3 Kolilila kuba alushibo akusenga kuba amaano akunyumfwisha shintu.
Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.
Koyeeya Lesa mumilimo yako yoonse alakwe ndyeshi akakululamikile nshila shako.
NoBaami baLesa, kulila kwangu akunyumfwike kuli ndimwe. Amumpe busongo kweelana amaswi anu.
Amumpe busongo ceebo ndi musebenshi wanu, kwaamba ayi nshibe bwaamba milasho yanu.
Ono na mwebo, nobantu nobeshishibi, kamwishi kupa bana banu shipo shibotu, ino lakwe Ishiwanu wa kwiculu inga waalilwa buyani kupa Mushimu Usalashi kubaabo bamusenga?”
Ndakalengwa akubumbwa kuswa kumaansaanu. Ono amumpe maano kwaamba ayi njiye milawo yanu.
Amumpe maano kwaamba ayi ndame milawo yanu, ee, kwaamba ayi nkeekonkele amoyo wangu woonse.
Mwaami Lesa, Lesa wako aakupe lushibo abusongo kwaamba ayi ukalele kabotu cishi cino ca Isilaeli kweelana aMilawo yakwe.
Nebo nebusongo ndisuni bantu abo bansuni. Abo boonse banyandoola cankusu, balancana.
Koteya matwi kushintu sha busongo akubika moyo wako mukushinyumfwisha.
Koshiyandoola cankusu bweenka mbooyandoola silifa, ee, koshiyandoola bweenka mbooyandoola buboni bushisitwe.
Nobana bangu, kamukutika shitoomufunda baishiwanu amuteye matwi akucana maano akunyumfwisha shintu.
