7 Muntu mukandu ulanaamwa akubeshikamukowa bakwe. Ono balo babye baleendaawobo kumunaama. Nabi weelesha buyani kubakonkela cakulikombelesha, ndushinisho ulalemabo cakutabacanaawo.
Bubile bulalengesha kuba ashibusa shiinji, sombi mukandu babye boonse balamupalangana.
Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.
Muntu mukandu ulaamba cakulikombelesha, sombi mubile ulakumbula cabukali bukali.
Beensuma abeshikamukobonyinaangu tabatoonshika pafwaafwi ceebo ca shiloonda nsheencite. Abalo bamuŋanda yangu balakalila palaale anebo.
Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?
Bakandu balipatitwe nabi kubeshikamukobonyinaabo, sombi babile balicite shibusa shiinji.
Mwantalamushisha beensuma abamakwesu. Munshinshe ushiya mbi ngomweensuma weenkabo wacalaawo.
Mwalengesha beensuma kunsuula, ndaba cintu cilensha bunya kuli mbabo. Ndi anga ngumukaili utakoonshi kuloboka.
Buboni bwa bantu babile, ndyelilinga lyabo, sombi bupenshi bulanyonyoola bakandu.
Bantu abo bayandoola buumi bwangu balanteya toose. Abo bakonsha kuncisa balapangana shakunyonyoola. Ncakwiila lilaya mukwipila mbeshi kuyeeyabo shabubeshi.
Utasuuli mubyo amubyaabo baiso alimwi na waba amapensho utanoocicila kumukwanu. Ncibotu kuya kuli shikamukobonyoko uli pafwaafwi kwiinda kuya kumukwanu uli kulaamfu.
