23 Kuloonda Mwaami Lesa nkokuletela buumi, lyalo muntu ulekala kwakubula cakulisukama alimwi kwakubula makatasho.
“Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.
Taakuuwo makatasho apolela muntu ululeme, sombi bamucita shibi balatambula mapensho lyoonsebo.
Kulila bwaca, kamututondesha lusuno lwanu lutamaani kwaamba ayi tunokwiimba cakusangalala akukondwa lyoonse.
Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.
Kuloonda Mwaami Lesa kulafusha nshiiku kubuumi pacishi, sombi buumi bwa mucita shibi bulafwiimpishikwa.
Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.
Ncakwiila Lesa ulilibambite kupulusha bantu bamulemeka, kwaamba ayi bulemu bwakwe bwikale mucishi cesu.
Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.
Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.
Ndaakubapulusha akubapa buumi bulaamfu, ndaakubatondesha lupulusho lwangu.
Muntu uyo ulaswitilila mushintu shoonse, abamulunyungu lwakwe balaakupyana cishi.
Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.
Kuloonda Mwaami Lesa nkubotu, kulanoolikobo kushikila muyayaya. Koombolosha kwa Mwaami Lesa kuliluleme, mukwiinga lyoonse teshi kwakunyengelela.
Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.
Aboobo taaku cintu ceshi cikakuciise, alimwi taaku cinyonyoola ceshi cikese paŋanda yako.
Muntu uyo utolelela kucita shiluleme ulaba abuumi, sombi utolelela kucita shibiibi ulaakufwa.
Cintu cinene ciyandika kumuntu nkushomeka. Anu kuba mukandu ncibotu kwiinda kuba mubeshi.
Ulaakunooya mukoona kwakubula cakuloonda, ee, ulaakunoolyonenabo cakusutulako amutwi.
Kulibombya akuloonda Mwaami Lesa, nkokuletela bubile, bulemu abuumi bulaamfu.
