Tushimpi 19:21 - Baibo Busansulushi Bwa Libuku Ili

²¹ Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Tushimpi 19:21 교차 참조

Tushimpi 16:9

Muntu inga wayeeya nshila njaasuni kutola, sombi Mwaami Lesa ngootanjilila ntaamwa shakwe.

Isaya 14:24

Mwaami Lesa Shinkusu shoonse washomesha cakulumbila ayi, “Bweenka mbondakayeeya, ncakwiila mbweshi cikabe, ee, bweenka mbondakabamba, bweenka ubo mbociimfwi.

Tushimpi 16:1

Miyeeyo yoonse ilaswa mumoyo wa muntu, sombi Mwaami Lesa ngoopa mulaka maswi akukumbula.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Jobo 23:13

“Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.

Shikushimikila 7:29

Ncendakacanabo nceeci: Lesa wakalenga muntu kaaluleme, sombi bantu beene balipilinganya ashintu shiinji.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Kulumbaisha 21:11

Ndushinisho nabi bapangana kubishisha ndimwe, ee, nabi bapangana miyeeyo ibiibi, teshi bakaswitilile.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

Matalikilo 50:20

Cibiibi ncemwakanjeyela kuncita Lesa wakacaalula caba bubotu, kwaamba ayi bantu baanji bapuluke alimwi bacili boomi bulya kwiinda muceeco cakacitika.

Tushimpi 12:2

Mwaami Lesa ulanyumfwila nkumbu muntu kabotu, sombi ulashingana baabo bapanga miyeeyo ya bubi.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Esita 9:25

Sombi makani aya akanyumfwika Esita ndyaakaya kumwaami. Lyalo mwaami wakalemba mulawo wakukasha muyeeyo wakwe Amani pabaJuda uyo wakamuboolela mwiine. Nkokwaamba ayi lakwe abana bakwe basankwa bakaangililwa pashisamu shakwaangililawo bantu.

Kulumbaisha 83:4

Batokwaamba ayi, “Tunyonyoole mushobo wabo, kwaamba ayi liina lya Isilaeli litakanyumfwiki tubili.”

Tushimpi 19:22

Cintu cinene ciyandika kumuntu nkushomeka. Anu kuba mukandu ncibotu kwiinda kuba mubeshi.

Jelemiya 44:29

“ ‘Ici cilaakuba ncitondesho cakwaamba ayi ndaakumupa mulandu kumusena uno alimwi ayi kushomesha kwangu kwakumunyonyoola, ncakwiila kulaakucitika.’

2 Samwelo 17:14

Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.

Esekelo 20:32

Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’