Tushimpi 18:5 - Baibo Busansulushi Bwa Libuku Ili

⁵ Teshi cibotu kufuninina ucite mulandu, nabi kulengesha utacite mulandu kutoomboloshekwa cabululami.

Tushimpi 18:5 교차 참조

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Tushimpi 28:21

Ncibiibi kuba akasalulushi, sombi muntu ulakonsha kubisha ceebobo cakuyanda kucana kakulya nakaceyi.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Kulumbaisha 82:2

“Ino mulaakucileka lili kwiimikanina bataluleme akufuninina bantu babiibi?

Tushimpi 24:23

Utu ntushimpi atumwi twa basongo, Ncibiibi kuba akasalulushi pakoombolosha.

Tushimpi 17:15

Kulekabo muntu ucite mulandu nabi kupa mulandu muntu utacite kampenda, nshikani shobilo isho Lesa nshaapatite.

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Isaya 5:23

Sombi ceebo ca makulo bantu abo balalekelela bantu bacite milandu. Taboomboloshi cabululami batacite milandu.

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Mika 7:3

Boonse mbantu bacibwene kucita bubi. Alakwe muleli ulisuni kupekwa shipo, shikoombolosha ulisuni makulo, alakwe shinkusu ulaambabo nshaasuni cakutasenga. Bantu abo boonse balacatana pantu pomwi mukupinga kucita bubi.

Isaya 59:14

Ee, anu nceceeco koombolosha kululeme ncekwatutalamukila. Nceceeco kweenda cakubula kampenda ncekwabeta kulaale aswebo. Lushinisho talunyumfwikiiwo mumikwakwa, akwalo kushomeka kuleelabo kulaale.

Kulonga 23:2

Mutanookonkela likoto lya bantu na batoobisha nabi na batoopa bukamboni bulengesha kusendeka koombolosha kululeme.

Kulonga 23:6

“Mutanyengeleli mukandu pakumoombolosha munkuta.

Tushimpi 17:26

Tacishi cibotu kulipilisha muntu utacite mulandu, akwalo kuuma bacinenenene ceebo cakushomeka kwabo tacishi cibotu.

Tushimpi 31:5

Ceebo na banwa inga baluba milawo mboyaamba akusuula sheelete kupekwa baabo balyatililwa.

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.

Kulonga 23:3

Alimwi mutanoosalulula pakoombolosha muntu mukandu.