7 Maswi abotu taaeleli kwaamba muluya, bweenka mbuli mweendeleshi mbwaateeleli kubeca.
Na muleli wanyumfwila makani abubeshi, bacinenenene bakwe boonse balaba bamucita shibi.
Webo omuntu nowaamba nshootaciti, taanguna kusha cisamu cili muliinso lyako, ndyeshi ubone kabotu akukusha kapampaansha kali muliinso lya mubyo.
Bweenka myeendo ya mulema mboitacite ncito, mbweeke ubo kashimpi mumulomo wa muluya mbokabete.
Lushinisho lulakalilila lyoonse alyoonse, sombi bubeshi bulafwambaana kwishibwa.
Taceelete akuyeeyekwa kwaamba ayi Lesa inga wabisha nabi ayi Shinkusu shoonse inga woombolosha cakutalulama.
Lesa wa bene Isilaeli waamba, Mwaandami wa bene Isilaeli wandwiita ayi, ‘Mwaami weendelesha bantu mubululami, uyo weendelesha cakuloonda Lesa,
Amucale milomo ya bantu babeshi, bantu balyuuma mucaamba akulisumpula, abo baamba maswi abiibi akulisumpula pabantu basalalite.
Meenso acimeko, mulomo ubeca, Maansa atila bulowa bwa bantu batacite mulandu,
Mwaami Lesa ulipatite milomo ibeca, sombi ulasangalalila mubantu baamba shalushinisho.
Taceeleli muluya kwikala bwikaalo bubotu, nabi musha kweendelesha bacinenenene.
Ncintu ciyumu kumuluya kuba abusongo palibungano liba kumwinjililo taaku ancaawaalaawo nabi comwi.
Bweenka caandwa mbocisaya mainsa, nabi mfula ciindi cakutebula, mbweeke ubo bulemu mbobusaya kumuluya.
