2 Musebenshi musongo inga walela mwanaamwaami wakwe ulensha nsoni akwaabana buboni abaana ba mwaami wakwe bamwi anga alakwe ngushikamukowa.
Mwaana utebula shishango shakwe cilimo, ngumusongo, sombi uyo woona ciindi cakutebula ulalensha nsoni.
Ncibotu kuba acikula bwangu mukandu, sombi kaali musongo kwiinda kuba amwaami mucembele utanyumfwili kucenjeshekwa.
Uyo upamba shintu sha baishi akutandaanya banyina kuŋanda yakwe, ngumwaana ulensha nsoni alimwi uleta musebaanyo.
Mwaami ulisuni musebenshi ucita shintu sha busongo, sombi musebenshi ucita shintu shilensha nsoni, ulasonkomona bukali bwakwe.
Musako wakululikishako mwaana, ulamupa busongo, sombi mwaana ulya ulangwabo ulalensha banyina nsoni.
Muntu uyo upensha bamuŋanda yakwe ulalibulisha coolwe, abalo baluya bananooba basebenshi lyoonse ba basongo.
Ncibotu kulya shikwa wakayuma na kooli muluumuno, kwiinda kusekelela muŋanda iswite kupikishanya.
Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.
