15 Kulekabo muntu ucite mulandu nabi kupa mulandu muntu utacite kampenda, nshikani shobilo isho Lesa nshaapatite.
Mutabekeshi muntu shikani, nabi kupingula ayi muntu utacite mulandu acaikwe, mukwiinga ndaakupa mulandu muntu woonse ucita cibiibi ca mushobo wooyu.
Sombi ceebo ca makulo bantu abo balalekelela bantu bacite milandu. Taboomboloshi cabululami batacite milandu.
Teshi cibotu kufuninina ucite mulandu, nabi kulengesha utacite mulandu kutoomboloshekwa cabululami.
Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.
Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.
Mwapa mulandu akucaya bantu batacite milandu alimwi tabamupikishi.
Ono muntu ushomabo muli Lesa ululamika bamucita shibi, kutashoma milimo yakwe ibotu, Lesa ulamubona ayi uliluleme kwiinda mulushomo lwakwe.
Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.
Mwamana katyenke mwebo nomoombolosha cakunyengelela, ee, mwebo nomoombolosha kuteshi mubululami.
Kuli shintu shosanwe acomwi Mwaami Lesa nshaapatite nabibo shosanwe ashobilo isho shimufundoosha kumoyo.
Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.
Mwaami Lesa ulipatite shipimo shabubeshi, sombi shipimo shalushinisho shilamukondelesha.
Balacatana kwaamba ayi babishe baluleme, akupingula ayi batacite milandu bacaikwe.
Tacishi cibotu kulipilisha muntu utacite mulandu, akwalo kuuma bacinenenene ceebo cakushomeka kwabo tacishi cibotu.
Ceebo na banwa inga baluba milawo mboyaamba akusuula sheelete kupekwa baabo balyatililwa.
Mapensho kubaabo baamba bubi ayi cibotu akwaamba cibotu ayi bubi. Balapilula munshinshe kuba mumuni, amumuni kuba munshinshe. Cilula balaamba ayi cilicite mise, cicite mise ayi cilalula.
Lesa Wiindaawo wakwiculu taakoondwi kulita muntu masuku pamutwi pameenso akwe.
“Ono na bene Isilaeli bobilo bapusana balyeelete kuya kunkuta. Lyalo boomboloshi balaakupa mulandu uyo wabisha akuleka wooyo utacite mulandu.
Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’
