8 Ncintu cibotu kuba abuboni buniini bwakucanina munshila iluleme kwiinda kuba abuboni buunji bwakucanina munshila yakutashomeka.
Ncintu cibotu kuba abuboni buunji na kooloonda Mwaami Lesa kwiinda kuba mubile uyo uli mumapensho.
Buboni buniini bwa muntu ululeme buleenda bwa bamucita shibi boonse.
Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.
Mumaanda a bantu babiibi muli buboni ubo mbobakacana mukunyengelela. Balasebensesha shipimo shabubeshi, isho nsheempatite.
Na muntu kaaenda munshila isangalasha Mwaami Lesa, ulaakulengesha balwani bakwe kunoonyumfwana anguwe.
Muntu inga wayeeya nshila njaasuni kutola, sombi Mwaami Lesa ngootanjilila ntaamwa shakwe.
Ncibotu kuba akaniini kooli muluumuno kwiinda kuba ashiinji mukusebensa amaansa obilo kweelesha kucata muuwo.
Ncibotu kulya nshima ya bucisa abantu bakusuni kwiinda kulya nshima anyama ya mafuta abantu bakupatite.
Ncibotu kulya shikwa wakayuma na kooli muluumuno, kwiinda kusekelela muŋanda iswite kupikishanya.
Muntu mukandu ushomeka ngumubotu kwiinda mubile utashomeki.
