6 Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.
Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.
“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”
Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.
Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”
Amupe bapengete isho shintu shili munkomeshi ambale, lyalo shoonse shintu shilaakumusalalila.
Kuloonda Mwaami Lesa nkokantupu ka buumi ceebo kalo nkokakusha muntu mutoose twa lufu.
Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.
Lusuno alushomo nsheshilengesha mwaami kwikala kabotu, bululami bwakwe bulamupa kukalilila pacuuna cakwe ca bwaami.
Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.
Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.
Mpomunyaawo ndakatolelela akwaamba ayi, “Ncemutoocita ncibiibi. Sa tamweelete kuloonda Lesa wesu akucita shiluleme kwaamba ayi mutakacoboolwi kubaswamashi bakunsengwe balwani besu?
Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.
Ceebo mulalemeka Klistu, mulyeelete kunyumfwana.
Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.
Lusuno akushomeka shilakumana, bululami aluumuno shilakumbatana.
Abulaamu wakakumbula ayi, “Ndakayeeya kwaamba ayi taaku muntu muno nabi womwi uloonda akulemeka Lesa alimwi batooncaya kwaamba ayi babwese mukaangu.
Sombi beshikutumbusha abo bakalinga kuloonda Lesa. Aboobo tabakwe kukonkela maswi akaamba mwaami wa Ijipiti, sombi bakalinga kuleka baana basankwa ayi bakule.
Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”
Kuteelesha kuliyeeyela ayi ulicite busongo, sombi koloonda Mwaami Lesa akutalamuka kushibiibi.
Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.
Tamweelete kunyengelela mwine Isilaelinyinaanu, sombi munyumfwile nebo neLesa wanu. Ndime Mwaami Lesa, Lesa wanu.
Nabi kuba kwitala lya lweenge nkweenga kamwiipusha ayi, ‘Ngani eshi asubukile kwitala mukutuletela, tunyumfwe mbowaamba akuukonkela?’
Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.
Uyo ucita shintu shiluleme ulalemeka Mwaami Lesa, sombi uyo utaciti shiluleme, ingayi ulanyansha.
“Nobaami, anu cili anga nciloto ici cilaamba bobulya alimwi nceeci Mwaami Lesa wa kwiculu Wiindaawo ncaamba pali ndimwe nkambo:
