5 Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.
Amwishibe ayi bamucita shibi balaakupekwa mulandu, sombi baluleme teshi bakapekwewo mulandu.
Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.
Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”
Ee, langa beshikulisumpula boonse akubaboosha panshi. Bamucita shibi abalo ubalyatoole peenka apo mpobabete.
Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.
“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.
Mbweeke ubo mbocibete akumuntu ukumana amuka mubye. Uyo woonse ucita camushobo uyo ulaakupengelaamo.
Mwaami Lesa wakabamba meelelesho a shintu shoonse. Meelelesho a bamucita shibi nkunyonyoolwa.
Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.
Nobene Isilaeli, amukutike akubikako maano ceebo Mwaami Lesa waamba.
Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.
Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.
