23 Musongo ulayeeya kaatana kwaamba. Nshaamba shilalengesha kusuna kukutika.
Muntu ululeme ulayeeya kaatana kukumbula, sombi mulomo wa mucita shibi ulakumbulabo cakubwa.
Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.
Moyo wangu uliswitebo maswi abotu, ndilibambite kwiimbila mwaami. Mulaka wangu ulibo anga ncakulembesha ca shikulemba ucibwene.
Musongo ulashibilwa kumaano akunyumfwisha shintu. Mubandi ubotu ulalengesha bantu kusuna kukutika.
Maano nkantupu ka buumi kubaabo baacite, sombi buluya bulaletela bantu baluya milandu.
Bakulukulu basongo abakwiishe, ukutikishe balo mbobakalinga kwaamba.
“Sa muntu musongo alakwe ulaambabo ashintu shitacite kumutwi? Sa te mweelanabo aususha muuwo mulifumo akuyeeya ayi wakuta?
Lyalo ulaakwishiba kulilemeka, alimwi maswi ako alaakunootondesha ayi ulicite lushibo.
Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.
