15 Na mwaami wasekaseka cilaamba buumi, nkumbu shakwe shili anga nimfula ya kumatalikilo a meensa.
Mwaami uyo aakabe anga nimfula itoolokela mumyuunda, ncakwiila anga nja tepetepe itootontosha cishi coonse!
Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi.’
Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”
Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.
Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.
Ndushinisho mwamupa shoolwe shitamaani, Ulasangalala abuumbi lyoonse ceebo cakuba amwebo.
Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”
Anu amusenge mfula kuMwaami Lesa kumatalikilo amainsa. NguMwaami Lesa uleta makumbi alosha mfula. Ncakwiila ngoolengesha mfula yatepetepe kuloka akulengesha shishango sha muntu woonse kushiya.
Bukali bwa mwaami bulatola kulufu, sombi musongo inga wakonsha kubootobeka.
Baanji balisuni ayi muleli abanyumfwile nkumbu, sombi koombolosha kululeme kulaswabo kuMwaami Lesa.
