Tushimpi 15:5 - Baibo Busansulushi Bwa Libuku Ili

⁵ Muntu muluya ulanyansha sheesho shimufunda baishi, sombi uyo ukutika kululikwa ngoocite busongo.

Tushimpi 15:5 교차 참조

Tushimpi 13:18

Muntu ukaka kululikwa ulaba mukandu alimwi ulasebaana, sombi uyo lakwe usumina kululamikwa ulalemekwa.

Tushimpi 13:1

Mwaana musongo ulanyumfwa kululikwa kuli baishi, sombi shikucelebula taasuniiwo kukalalilwa.

Tushimpi 19:20

Kokutika kwaambilwa alimwi koosumina kululikwa. Na unoocita boobo bumwi bushiku ulaakuba musongo.

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

Taitasi 1:13

Bukamboni bwakwe mbwalushinisho. Paceebo ceeco ubakalalile cankusu kwaamba ayi balulame mulushomo

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Tushimpi 10:1

Utu ntushimpi tumwi twakwe Solomoni. Mwaana musongo ulasangalasha baishi, sombi mwaana muluya ulalensha buumba banyina.

Tushimpi 6:23

Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.

Tushimpi 1:23

Nimwakanyumfwila kukalooka kwangu, naakwiinga ndamwaambila shili mumoyo wangu alimwi akumulwiita nsheentooyeeya.

Kulumbaisha 141:5

Muntu ululeme na wanguma, ninkumbu. Na wankalalila cilaba anga ngamafuta atilwa pamutwi wangu. Mutwi wangu teshi ukaakakeewo. Sombi mumipailo yangu ndapikisha micito ya bamucita shibi.

Tushimpi 25:12

Kukalalila kwa musongo kumuntu usuni kunyumfwa, kuleenda masikiyo nabi cakulibotesha cimwi ca golodi wiine wiine.

Tushimpi 15:4

Mulaka waamba maswi ashilika uli anga ncisamu cipa buumi, sombi mulaka waamba shabubeshi, ulacisisha moyo.

Tushimpi 15:6

Muŋanda ya muntu ululeme mulacanika buboni buunji, sombi bubile bwa mucita shibi bulamuletelabo mapensho.

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.