32 Uyo ukaka kululikwa ingayi utoolisebaanyabo mwiine, sombi uyo woonse usumina kululikwa ulaakuba amaano akunyumfwisha shintu.
Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.
Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.
Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.
Moyo wa musongo ulisuni kwishiba shintu, amatwi asongo alakutika ayi anyumfwishe.
Mutabi bantu balibeca kwiinda mukunookutikabo maswi ayo, sombi kamucita shaambwa muli ngawo.
NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.
Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.
Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.
Buluya bulasangalasha uyo utacite maano, sombi muntu ucite maano akunyumfwisha shintu uleenda munshila iluleme.
Moyo wa musongo ulayandoola lushibo, sombi mulomo wa muluya ulayandoolabo shabuluya sheenka.
Mwebo tamusuni kufundwa kuswa kuli ndime alimwi mulafutatila maswi angu.
Balyeelete kubaambila ayi, ‘Mwaneesu ngushintindi, alimwi taatunyumfwili. Ulanyonyoola maali alimwi ngucakolwa.’
“Ono na muntu ulicite mwaana musankwa shintindi, utanyumfwili bashali bakwe nabi bamuuma cili buyani,
Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.
Muntu ukaka kululikwa ulaba mukandu alimwi ulasebaana, sombi uyo lakwe usumina kululamikwa ulalemekwa.
Muntu muluya ulanyansha sheesho shimufunda baishi, sombi uyo ukutika kululikwa ngoocite busongo.
Uyo ukutika kukalalilwa kupa buumi ulaakunookala kaangulukite pakati ka basongo.
Kuloonda Mwaami Lesa nkokwiisha muntu kuba musongo. Ulyeelete kutaanguna kulibombya ingaawo ukalemekwe.
Ncibotu kunyumfwa musongo kaakukalookila, kwiinda kunyumfwa muluya kaakulumbaisha munyimbo.
Mbonekelo sha shiwa shabo shilabashinina. Balacita shibiibi cakutashisa bweenka bwakalinga kucita bene Sodoma. Ndushinisho balyeelete kunyonyooka alimwi kunyonyooka uko nkwakuliletela beene.
Muntu woonse unyumfwila kululikwa ulaba abuumi, sombi uyo utasumini ayi ulilubite, ulasoweka.
Kokutika kwaambilwa alimwi koosumina kululikwa. Na unoocita boobo bumwi bushiku ulaakuba musongo.
