25 Mwaami Lesa ulamwayulula ŋanda ya shikulisumpula, sombi ulatabilila buboni bwa mukalubinje.
Mwaami Lesa ulalama baswamashi bekala pakati lyesu. Uleemikanina bamukalubinje abana banshiwa. Sombi ulapilinganya buumi bwa bamucita shibi.
Utaseenyi libwe likulukulu lya panyinsa nabi kunyaya bana banshiwa myuunda yabo
Ŋanda ya mucita shibi ilaakunyonyoolwa, sombi ya muntu ululeme ilaakucaala moyakeemikanina.
Bamucita shibi balanyonyoolwa cakubula kushiya bamulunyungu lwabo, sombi bamuŋanda ya muntu ululeme balaba abuumi.
Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.
Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.
Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.
NoBaami baLesa, nakubi kwaamba ayi muli kwiculu mulalama baliceesha alimwi beshikulisumpula mulabona shintu shoonse nshebacita.
Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”
Paceebo ceeco, Lesa ulaakunyonyweetabo limwi. Ulaakukucata akukukusha muŋanda yako. Ncakwiila ulaakukunonkolaamo mucishi ca boomi.
“Mucishi ico Mwaami Lesa, Lesa wanu ncaatoomupa tamweelete kusenya manyinsa akapimwa kalekale.
Omubile webo, ceebonshi ulalisumpwita pabubi? Kushomeka kwakwe Lesa nkwalyoonse alyoonse.
Mwaami Lesa ulipatite miyeeyo ya bamucita shibi, sombi miyeeyo ya bantu basalalite ilamusangalasha.
Ishi shilacitika ceebo wakapensha ŋumba akutanyumfwilawo nkumbu mukalubinje.
Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.
Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”
Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.
