21 Buluya bulasangalasha uyo utacite maano, sombi muntu ucite maano akunyumfwisha shintu uleenda munshila iluleme.
Anu mulyeelete kucenjela mubwikaalo bwanu. Mutekaali anga mbantu batacite lushibo, sombi anga mbantu basongo.
Muluya ulasangalalila mukucita shintu shibiibi, sombi ucite maano akunyumfwisha shintu ulasangalalila mubusongo.
Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.
Baluya balaseka muntu ulyaambilila shibiibi, sombi baluleme balisuni kulekelelwa.
Muntu woonse utacite maano, ulasebaanya mubye, sombi ucite maano akunyumfwisha shintu uloomunabo.
Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.
Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.
“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”
Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.
Miyeeyo teeswitilili na pabula shikukupandako maano, sombi na kwafula beshikukupandako maano ilaswitilila.
Meenso ako kaalangitebo kunembo, kutacebookacebooka, sobwe.
Kotaanguna kuyeeya munshila mwiinda myeendo yako, lyalo ulaakunokweenda munshila shiluleme.
