2 Musongo ulaamba shipa lushibo, sombi muluya ulaambabo shintu shitacite ncito.
Muntu ucenjete ulashisa lushibo ndwaacite, sombi baluya balaambabo caambaambe.
Muntu ululeme ulayeeya kaatana kukumbula, sombi mulomo wa mucita shibi ulakumbulabo cakubwa.
Muntu ucenjete ulataanguna kuyeeya katana kucita cintu cili coonse, sombi baluya balaambabo caambaambe.
Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.
Musongo ulayeeya kaatana kwaamba. Nshaamba shilalengesha kusuna kukutika.
Kukumbula bweelete kulasangalasha. Ncintu cibotu kwaamba liswi lyeelete paciindi ceelete.
Amunyumfwe shitooswa mumilomo yabo, Ncakwiila balaamba maswi ayasa anga njimipeeni. Beene balalibeca ayi, “Taaku weenga watunyumfwa.”
Moyo wangu uliswitebo maswi abotu, ndilibambite kwiimbila mwaami. Mulaka wangu ulibo anga ncakulembesha ca shikulemba ucibwene.
Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.
Bweenka muntu ucite shakulisukama shiinji mbwaakonsha kulota cibiibi, mbweeke ubo kwaamba maswi aanji mbokukonsha kwaambisha muntu shiteelete.
Muluya ulafusha maswi pakwaamba. Taaku muntu ushi shitoosa kunembo. Ngani weenga waamba ceshi cikacitike twaakufwa?
Lyalo ulaakwishiba kulilemeka, alimwi maswi ako alaakunootondesha ayi ulicite lushibo.
