4 Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.
Maansa a muntu usebensa cankusu alalela, sombi butolo bulapa muntu kufubwa.
Mulimi ulima cankusu ulatebula shiinji, sombi abo basowa ciindi cabo kushintu shitacite ncito, mbaluya.
Maansa atolo alaletela bukandu, sombi maansa acabeene kumilimo alabilisha.
Muntu shikwaaba ulapekwa coolwe cakuswitilila, ucafwa bamwi, ulaakucafwikwa alakwe.
Muntu mulyabi ngushikubalamuna nkondo, sombi uyo ucinkite manungo muMwaami Lesa ulaakuba acoolwe.
Ncetusuni bunene nkwaamba ayi womwi awomwi mulikoto lyanu atolelele cankusu kushoma kushikila akumamanino, kwaamba ayi isho nshemutoolangila shikacitike cancinencine.
Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”
Ulicite coolwe muntu uyo unyumfwila, muntu uyo ulindilila paminjililo yangu nshiiku shoonse, ee, ulindilila pamilyango iya muŋanda yangu.
Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.
Mutolo ncaataswiti muŋanda ulaamba ayi, “Muli nkalamu mumukwakwa. Nkalamu ikali ifwite nsala itokwiindaana munshila.”
Shilanoocicata shisepo nabi shacembela, shilaakunooshimpitebo aalo matewu alaakunoocilibo atontola.
Ngani weenga wabelenga bamulunyungu lwakwe Jakobo? Ncakwiila mbaanji anga ngumuseese. Inshiku shangu anshimanishe anga ngumuntu wakwe Lesa. Amfwite muluumuno anga mbantu baluleme.”
Webo omutolo, bona tulongolo, bonesha mbotwikala ubwesewo busongo.
Muntu mutolo teshi akacane nshaasuni, sombi muntu usebensa cankusu ulacana buboni buunji.
Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.
Muntu ululeme ulipatite bubeshi, sombi bamucita shibi balalensha nsoni amusebaanyo.
Mutolo taashangi muunda wakwe paciindi ceelete. Ono pakutebula taaku ancaatebulaamo.
Miyeeyo ya muntu usebensa cankusu ilamulengesha kuswitilila, sombi abo bacita shintu cakwiingana baleelabo mubukandu.
Bukata bwa mutolo bulamucaisha mwiine, ceebo taasuni kucita milimo.
Pabushiku ubo basebenshi bakesa balwiita Isaki shamukalo ngobakakaba. Bakaamba ayi, “Twaacana maanshi.”
Ndibakaboola kuli Joshuwa, bakaamba ayi, “Bantu boonse tabeelete kuya mukulwana abantu ba kuAi. Kutumwebo bali 2,000 nabi bali 3,000. Mutapenshibo bashilumamba boonse ceebo kulekalabo bantu baniini.”
Ndakeenda kumuunda wa mutolo, muunda wa minyansa wa muntu utacite maano.
Ndakacana ayi myuumfwa ilimenetebo muunda woonse. Ncakwiila muunda woonse wakalinga kushinkite kunsaku. Alwalo lubumbu lwa mabwe lwakalinga kuyakitweko lwakamwayuluka.
Bulya nebo ndafuula kale, nciinshi ceshi mfwalile alimwi? Shimpanta shangu ndashisansha kale, ino inga ndashishipishishanshi alimwi?
