24 Uyo utoomi mwanaakwe amusako, ingayi taamusuniiwo, sombi uyo umusuni ulamululika.
Lulika mwanaako musankwa ndyeshi akacileke kukupensha, lyalo ulaakukulengesha kusangalala.
Musako wakululikishako mwaana, ulamupa busongo, sombi mwaana ulya ulangwabo ulalensha banyina nsoni.
Funda mwanaako kaacikonsheka kufundwa, utamulekeleli ayi akanyonyoolwe.
Buluya bulekala mumoyo wa mwanike, sombi na woomwa amusako, buleendela palaamfu.
Ceebo Mwaami Lesa ulalulamika muntu woonse ngwaasuni, bweenka mushali musankwa mbwaalulika mwanaakwe uyo umusangalasha.
Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”
“Muntu uli woonse usuni kuba shikwiiya wangu ulyeelete kusuna ndime kwiinda baishi abanyina, bakaakwe abana bakwe, banandumi abanankashi shakwe, ee, nabi buumi bwakwe mwiine.
Amwishibe kwaamba ayi Mwaami Lesa, Lesa wanu ulamululika akumupa mulandu bweenka mbuli mushali mbwaaisha bana bakwe ayi bacileke kubisha.
