16 Na muluya wakalala ulafwambaana kutondesha bukali bwakwe, sombi ucenjete uloongulushabo na watukanwa.
Muluya ulatondesha bukali bwakwe boonse, sombi musongo lakwe ulalicata na wakalala.
Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.
Lupato lulalengesha kwaambana, sombi lusuno lulapa kulekelela shilubo shoonse.
Uyo ulekelela mubye mulandu ngayi ulisuni cibusa, sombi uya cibandika cilubo ca mubye ulalengesha cibusa kumana.
Muntu ulya utakoonshi kulicata, uli anga nindabala icite lubumbu lumwaikite.
Maano nkantupu ka buumi kubaabo baacite, sombi buluya bulaletela bantu baluya milandu.
Busongo buli mumuntu uyo ucite maano akunyumfwisha shintu. Sombi baluya tababuciteewo napaceyi.
Ncakwiila bukali bulacaya muluya, awalo munyono ulacaya bataaku mbobabete.
Kamboni ushomeka ulaamba shalushinisho, sombi kamboni mubeshi ulaambabo shakubeca.
Libwe ndilemu a museese ngumukuli unene, sombi shoonse ishi inga tasheelaniiwo akukalashikwa kumuluya.
