27 Kuloonda Mwaami Lesa kulafusha nshiiku kubuumi pacishi, sombi buumi bwa mucita shibi bulafwiimpishikwa.
Nshiku shako shilaakufula kwiinda muli ndime ayalo myaaka ilaakunungwaako kubuumi bwako.
Kwiisha kwangu kulaakukulengesha kwikala buumi bulaamfu abuumbi alimwi kulaakukulengesha kuswitilila mushintu shoonse.
Ndaakubapulusha akubapa buumi bulaamfu, ndaakubatondesha lupulusho lwangu.
Uteendilishi kuba mucita shibi alimwi utabi muluya. Ceebonshi utooyanda kufwa ciindi cako kacitana kukwana?
Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.
Busongo inga bwakulengesha kuba abuumi bulaamfu, ncakwiila inga bwakulengesha kubila akuba abulemu.
Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.
Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”
Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.
Mulaakwikala ciindi cilaamfu mucishi muli bubile abulongo bubotu ico Mwaami Lesa ncaakashomesha kupa bamashali banu bakulukulu abamulunyungu lwabo.
Kuloonda Mwaami Lesa nkokantupu ka buumi ceebo kalo nkokakusha muntu mutoose twa lufu.
Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.
Ici cilatondesha ayi Mwaami Lesa uliluleme, alimwi ayi taamu cibiibi mumwaandami wangu.
