25 Cipuupu ndicisa cilatolelesha abamucita shibi, sombi baluleme balacaala mobakeemikanina.
Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.
Lesa aabalobye cakufwambaana bweenka bushimika mulilo wa mabuba, Walo ulashimikabo nabi shiliiwo tashina kubila.
Muntu taakoonshi kwiimikana cakushimpa mububi, sombi muntu ululeme ncakwiila uleemikana cakushimpa.
Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”
Mukucita boobo, balaakulibunjikila bubile ubo bweshi bukabe anga ndwiimbi luyumu lwa kuciindi citoosa. Lyalo balaakulicanina buumi, ee buumi bwancinencine.
Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.
Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.
Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.
Bamucita shibi balanyonyoolwa cakubula kushiya bamulunyungu lwabo, sombi bamuŋanda ya muntu ululeme balaba abuumi.
Nkokwaamba ayi shilensha boowa shaakumupolela anga ncipuupu, ee, mapensho aakumupyanga anga nkapupuulwa, ncakwiila mwaakulimbwa mapensho amakatasho.
Ngamankanda ongaye ndibapepelushikwa kumuuwo anga mbwiisu? Ee, ngamankanda ongaye ndibaba anga mbuungu buya acipuupu cinene?
Baluleme teshi bakakushikweemo mucishi, sobwe, sombi bamucita shibi balaakukushikwaamo.
Abo balyaamba ayi balalemekwa batooya ciindaawo kushinisha ayi baliluleme.
Ulaakushiminganabo bweenka mbuli ciloto Ee, kushiminganabo bweenka mbuli cili anga nciloto ca mashiku. Ulaakushimingana cakutabonwaawo tubili.
Baluleme balaakusangalala na bakabone bamucita shibi kababooshelwa cishole. Balaakukondwa kukubula mubulowa bwa bamucita shibi amyeendo yabo.
Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.
