2 Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.
Bubile tabucafwi pabushiku bwa bukali, sombi bululami mbobufuna kuswa kulufu.
Buboni bwakucanina munshila yakutashomeka bulafwambaana kushimingana, sombi tabuciti boobo kabutana kukutola mukoose ka lufu.
Bululami ninshila itola kubuumi, sombi bubi ninshila itola kulufu.
Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.
Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.
Balaakusowa silifa agolodi wabo mumikwakwa anga ngamatombe. Silifa a golodi wabo teshi ukabapulusheewo pabushiku bwa bukali buyoosha bwa Mwaami Lesa. Teshi bakashisebenseshewo kumana nsala yabo nabi kubakutisha ceebo ngowakabalengesha kubisha.
Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.
alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.
Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”
Maali acanwa mukutashomeka alamana bwangu, bubile bwakututukila buleenda, sombi ucana maali paniini paniini, alafula.
