Tushimpi 10:17 - Baibo Busansulushi Bwa Libuku Ili

¹⁷ Muntu woonse unyumfwila kululikwa ulaba abuumi, sombi uyo utasumini ayi ulilubite, ulasoweka.

Tushimpi 10:17 교차 참조

Tushimpi 6:23

Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Tushimpi 15:10

Muntu upambuka munshila iluleme ulaakupekwa mulandu unene abuumbi. Uyo ukaka kululikwa ulaakufwa.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Tushimpi 5:12

Lyalo mulaakwaamba ayi, “Anu ndakakakilanshi kwaambilwa? Nciinshi nceentakwe kusuminina kululikwa?

Tushimpi 3:18

Busongo buli anga cisamu cipa buumi kubaabo babukakatila alimwi bulapa coolwe kubantu babucatisha.

Shikushimikila 5:6

Utasuminishi mulomo wako kukunjisha mucibiibi. Utaambili mupailishi ayi, “Ndakalubisha kushomesha cakulumbila.” Ceebonshi ulisuni ayi Lesa akakalale pashintu nshewaamba akunyonyoola milimo ya maansaako?

Tushimpi 12:1

Muntu usuni kululikwa, ingayi ulisuni lushibo, sombi uyo utasuni kululikwa, ingayi ngumuluya.

Tushimpi 4:13

Uyumininebo kwiisha, kutakufutatila, sombi ukakulaame kabotu ceebo mbobuumi bwako.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Tushimpi 4:4

bata bakalinga kunjiisha akunoondwiita ayi, “Ulame maswi ngoontookwaambila amoyo wako woonse. Koshikonkela nsheenkwaambila, ingaawo ukabe abuumi.

Tushimpi 1:30

Mwakasuula shoonse nshendakamufunda akukaka kunyumfwila kukalooka kwangu.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

Boomboloshi 19:17

Ono mucembele uyo ndyaakabona mwine Lefi uyo kaashiite mulubansa lwa mundabala wakamwiipusha ayi, “Ino waswita kuli? Alimwi utooya kuli?”

Tushimpi 5:14

Ono mbulya ndashika kukunyonyooka, ee, kunyonyooka pameenso a bantu boonse.”

Tushimpi 15:32

Uyo ukaka kululikwa ingayi utoolisebaanyabo mwiine, sombi uyo woonse usumina kululikwa ulaakuba amaano akunyumfwisha shintu.