14 Bantu basongo balasunga lushibo loonse ndobakonsha kucana, sombi na baluya baamba, ingayi kunyonyooka kulibo pafwaafwi.
Muluya ulalinyonyoosha kumulomo wakwe mwiine. Ncakwiila maswi akwe ali anga nkoose kuli nguwe.
Moyo wa musongo ulanyumfwila milawo, sombi uyo waamba shabuluya, ulaakunyonyoolwa.
Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.
Muntu ukamwita kumeenso, ngushikuleta shimfulunganya, sombi uyo ululikilabo limwi bantu, ulaleta lunyumfwano.
Kopa milasho musongo, lyalo busongo bwakwe bulafulilaako. Koyiisha muntu ululeme, lyalo lushibo lwakwe lulafulilaako.
Lyalo Jesu wakabakumbula ayi, “Paceebo ceeco mufundishi woonse wa Milawo uyo wakeeya maswi a Bweene bwa kwiculu, uli anga ngumwine ŋanda, uyo ukusha shintu shipya ashikulukulu muŋanda yakusungilaamo shintu.”
“Bweene bwa kwiculu bulikoshenye abuboni bwakalinga kushisitwe mumuunda, ubo muntu mbwaakeetukila akubushisa pambi. Ono mukusangalala wakaya mukuulisha shintu shoonse nshaakalinga kucite, akuula muunda uyo.
Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.
Uyo ulama mulomo amulaka wakwe ulalitabilila kumapensho.
Uyo ucana busongo ingayi ulisuni buumi bwakwe mwiine, uyo ukondwa maano akunyumfwisha shintu ulaakuswitilila.
Moyo wa musongo ulisuni kwishiba shintu, amatwi asongo alakutika ayi anyumfwishe.
Muntu utasuni bamwi ulacitabo nshaasuni mwiine. Ulalengulula shoonse isho babye nsheebaamba ayi nshamaano.
Tushimpi tulalengesha muntu musongo kunungawo maano alimwi akutanjilila baabo beeite
Muntu ucenjete ulashisa lushibo ndwaacite, sombi baluya balaambabo caambaambe.
Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.
Muntu ucite moyo ubiibi taaswitilili. Uyo ucite mulaka ubeca ulawita mumapensho.
