11 Maswi a muntu ululeme nkantupu ka buumi, sombi maswi a mucita shibi alashisa mibo yakwe ya lunkutwe.
Kwiisha kwa musongo nkantupu ka buumi ceebo kulalengesha muntu kuswa mutoose twa lufu.
Coolwe cilapekwa kumuntu ululeme, sombi maswi a mucita shibi alashisa mibo yakwe ya lunkutwe.
Maswi amusongo ali mbuli maanshi alaamfu alimwi kantupu ka busongo kalibo anga nkalonga kakunka.
Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.
Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.
Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.
Mulomo wa muntu ululeme ulishi ceelete kwaambikwa, sombi mulomo wa mucita shibi ulishibo kwaamba shibiibi.
Bantu baluleme balabona shintu ishi akusangalala, sombi bamucita shibi balo baloomunabo puti.
Mulaka waamba maswi ashilika uli anga ncisamu cipa buumi, sombi mulaka waamba shabubeshi, ulacisisha moyo.
