28 “Mwaakunjita ciindi ico teshi nkamukumbulewo. Mulaakunyandoola, sombi teshi mukambonewo.
Ciindi cilaakushika ndyeshi mukalilile Mwaami Lesa, sombi lakwe ulaakukaka kumucafwa. Teshi akakutike kumipailo yanu ceebo ca bubi mbomwakacita.”
Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.
Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.
Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.
“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.
Sa Lesa ulanyumfwa kulila kwabo ciindi ndibapolelwa mapensho?
Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”
Bakalinga kuyandoola lucafwo, sombi taaku wakabapulusha. Bakapaila kuMwaami Lesa, sombi taakwe kubakumbula.
Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”
Balalilila Lesa ayi abacaafwe, sombi lakwe taabakumbuli ceebo cakulisumpula kwa bamucita shibi.
Ciindi ico cakushika mulaakutongooka cakulilaako ceebo ca mwaami ngomwakasala nobeene. Sombi Mwaami Lesa teshi akakutikeewo matongooshi anu.”
Nebo nebusongo ndisuni bantu abo bansuni. Abo boonse banyandoola cankusu, balancana.
Lyalo Mwaami Lesa wakaamba ayi, “Mushimu wangu teshi ukapikishanye abantu lyoonse ceebo balafwa. Kuswa sunu teshi bakekale myaaka iinda 120.”
Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”
Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.
Mwaami Lesa uli kulaamfu abamucita shibi, sombi mipailo ya baluleme uleenyumfwa.
Ndakacalwita usunikwi wangu, sombi ndakacana waya kale. Moyo wangu wakalinga wasangalala ndindakanyumfwa liswi lyakwe. Mpeeke ndakamuyandoola, sombi nshikwe kumucana. Ndakamwiita, sombi taakwe kukumbulaawo.
Baakuya mukubenga mbelele aŋombe shabo kuli ndime neMwaami Lesa, teshi bakancaneewo ceebo ndalikushaawo pakati kabo.
Mpeeke mwakalilila Mwaami Lesa ayi amucaafwe, sombi taakwe kumukutika nabi kumubikaako maano.
Ndakalinga kubapela cakubabo anga ndusuko, ndakalinga kubalyatoola anga ngamatipa a munshila.
Bantu balaakunooya citalantanta kuswa kulweenge kuya kulweenge. Balaakwiingooka kuswa kumatwa kuya kwicwe kuya ciyandoola maswi a Mwaami Lesa. Sombi teshi bakaacaneewo, sobwe.
