Tushimpi 1:24 - Baibo Busansulushi Bwa Libuku Ili

²⁴ Ndindakamwiita mwakankakila. Taaku muntu nabi womwi wakanyumfwila ndindakamulabula.

Tushimpi 1:24 교차 참조

Bene Loma 10:21

Sombi pabene Isilaeli, Lesa ulaamba ayi, “Bushiku boonse ndakatandabika maansaangu ayi mbooshe kumubili bantu batanyumfwili alimwi beshicimpamya.”

Isaya 65:12

malwesa anu nkufwa lufu lubiibi. Ncakwiila mulaakumana kufwa kunkondo mukwiinga ndindakeeta tamukwe kukumbula, alimwi ndakaamba, sombi tamukwe kunkutika. Mwakacita bubi mumeenso angu mukusala kucita shitasangalashi ndime.”

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Isaya 66:4

Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Kulumbaisha 31:20

Bantu abo mulabashisa muliimfwa lyanu, kubashisa kuswa kumiyeeyo ibiibi ya balwani. Mulabashisa mumusena wanu mutaamu cakulibilika ayi bafunwe kumatushi aswa kubalwani babo.

Milimo ya Batumwi 4:30

Amutandabike lyaansa lyanu kwaamba ayi mushilike bantu, alimwi mulengeshe kwaamba ayi shitondesho sha nkusu sha kwiculu alimwi ashaankamiko, shicitike kwiinda muliina lya musebenshi wanu usalalite Jesu.”

1 Samwelo 28:6

Saulo ndyaakeepusha kuMwaami Lesa cakucita, Mwaami Lesa taakwe kumukumbulaawo muciloto, mucisolo cakwe Ulimu aTumimu nabi mubalaluki.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Isaya 65:2

Ciindi coonse ndalinga kulibambite kucafwa bantu beshicimpamya. Ee, bantu beenda munshila shibiibi. Mbantu bakonkelabo shamiyeeyo yabo.

Jelemiya 9:6

Mulishiite pakati ka bubeshi. Mububeshi bwabo balakaka akunshiba, nebo neMwaami Lesa ndaamba.”

Jelemiya 35:17

Paceebo ceeco nebo neMwaami Lesa Shinkusu shoonse, Lesa wa bene Isilaeli ndaakuletela nobene Juda anobene Jelusalemu mapensho ayo oonse ngondakashomesha kucita. Ndaakucita boobo ceebo tamukwe kunyumfwila ndindakalinga kumwaambila alimwi tamukwe kukumbula ciindi ndindakalinga kumwiita.’ ”

Jelemiya 44:16

“Teshi tunyumfwewo maswi ayo ngowatwaambila muliina lya Mwaami Lesa!

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

2 Makani 33:10

Nabi Mwaami Lesa wakacenjesha Manase abantu bakwe boonse, bakakaka kukonkela ncaakalinga kubalwiita.

Jobo 33:14

Lesa ulaambila munshila shipusenepusene, sombi muntu lakwe kaateshi kwaamba ayi wakumbula.