2 Twakalembelwa kwaamba ayi bantu babe basongo balilemeka akwaamba ayi banookonsha kunyumfwisha makani abusongo.
Waambile busongo ayi, “Uli nankashi shangu” alimwi utumbe maano akunyumfwisha shintu ayi, “Mukwesu.”
Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.
Mwebo nobaluya, amube atulango, ee, amube amaano akunyumfwisha shintu.
Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.
Nobana bangu, kamukutika shitoomufunda baishiwanu amuteye matwi akucana maano akunyumfwisha shintu.
Kuloonda Mwaami Lesa nkokwiisha muntu kuba musongo. Ulyeelete kutaanguna kulibombya ingaawo ukalemekwe.
Lyalo ulaakwishiba kucita shintu shiluleme, koombolosha cakululama alimwi cakubula kasalulushi. Nkokwaamba ayi ulaakwishiba shibotu shoonse nshooelete kucita.
Amukutike milasho yangu njeentoomupa. Amube basongo mukutasuula milasho iyo.
Kokutika kwaambilwa alimwi koosumina kululikwa. Na unoocita boobo bumwi bushiku ulaakuba musongo.
