Taitasi 2:14 - Baibo Busansulushi Bwa Libuku Ili

¹⁴ Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Taitasi 2:14 교차 참조

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

1 Joni 3:2

Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

Kulumbaisha 130:8

Lakwe ngweshi akalubule bene Isilaeli kuswa kushibiibi shabo shoonse.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Bene Galatiya 1:4

Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.

Joni 10:15

Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.

Dutolonomi 26:18

Alakwe pabushiku bwasunu Mwaami Lesa, Lesa wanu wasumina ayi muli bantu bakwe mwiine, kweelana ambwaakashomesha. Paceebo ceeco wamwaambila ayi munoolama milawo yakwe yoonse.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

Kulonga 15:16

Boowa alimwi akulibilika shili pali mbabo. Ceebo ca nkusu shanu, noBaami baLesa, balacelemanabo akuloonda abuumbi, kushikila bantu banu beenda akuya bantu abo mbomwakaangulula mubusha.

Bene Ebulu 10:24

Katuyeeya bamakwabesu kwaamba ayi tunoocafwana kubonesha lusuno lwancinencine alimwi akucita shibotu.

Taitasi 2:7

Mushintu shoonse webo ulyeelete kuba citondesho mukucita milimo ibotu. Koiisha cakushomeka abulemu.

1 Timoti 6:18

Ubaambile ayi banoocita shibotu, kwaamba ayi babile mumicito ibotu. Balyeelete kuba bantu bapa camaansa obilo alimwi balibambite kupa bamwi shintu.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Esekelo 37:23

Teshi bakalibishewo tubili kushikoshanyo shabo, kushibumbwabumbwa shabo shilensha bunya nabi kushibiibi shabo shimwi shoonse. Ncakwiila ndaakubasalasha kuswa kushibiibi shabo shoonse. Balaakuba bantu bangu anebo ndaakuba Lesa wabo.

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Matalikilo 48:16

Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

1 Timoti 2:10

Sombi baliboteshe amilimo ibotu yeelete banakashi balyaamba ayi balalambila Lesa.

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

1 Timoti 1:15

Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

Milimo ya Batumwi 15:14

Simoni waswa mukutusansulwita mbuli Lesa mbwaakabonesha lusuno kubaswamashi bakunsengwe akusala bantu pakati kabo ayi babe bantu bakwe.

Milimo ya Batumwi 15:9

Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Malaki 3:3

Ulaakusalasha bantu bweenka shikusungulula silifa mbwaaubotesha mumunyumbi. Nkokwaamba ayi bweenka shikupanga sheela mbwaabotesha silifa agolodi mumunyumbi, mbweeke ubo muntu wa Mwaami Lesa uyo mbweshi akasalashe bapailishi ayi bakanoobenga milambu yeelete kuMwaami Lesa.

Shakubelenga 25:13

Fineyasi alimwi abamulunyungu lwakwe boonse bananoolibo bapailishi lyoonse, mukwiinga taakwe kusumina ayi bantu balambile balesa bamwi alimwi akulengesha ayi bene Isilaeli balekelelwe cibiibi cabo.”

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

1 Joni 1:9

Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

Bene Lefi 25:41

Paciindi ico lakwe alimwi abana bakwe balyeelete kuboolela kubeshikamukowa akumyuunda ya bamashali bakwe bakulukulu.