Taitasi 1:3 - Baibo Busansulushi Bwa Libuku Ili

³ Mpeeke paciindi ceelete wakayubulula kushomesha uko mumakani akwe. Makani ayo wakaabika mumaansaangu, aboobo ndaashimikila kweelana aLesa Mupulushi wesu mbwaakandwiita.

Taitasi 1:3 교차 참조

1 Timoti 1:11

Kwiisha uko kulacanika muMakani Abotu ayo akabikwa mumaansaangu kuswa kuli Lesa ulemekwa shicoolwe.

1 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

Taitasi 2:10

nabi kubeepila shintu. Sombi balyeelete kutondesha ayi balashomeka kwaamba ayi balemeke maswi akwe Lesa Mupulushi wesu mushintu shoonse.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

1 Timoti 2:3

Ici ncibotu alimwi cilakondelesha Lesa Mupulushi wesu,

1 Bene Tesalonika 2:4

Sombi lyoonse tulaamba ceeco cisuni Lesa mukwiinga wakasuminisha ayi tulyeelete kupekwa milimo yakushimikila Makani Abotu. Aboobo tatushimikili kwaamba ayi tukondeleshe bantu, sombi Lesa uyo usunka myoyo yesu.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

1 Bene Kolinto 9:17

Nendakaliyandila kucita mulimo uyu, naakwiinga kaanangila kutambula cilambu. Ono mukwiinga nshikwe kuliyandila, ndasebensabo ceebo Lesa ngowakantuma.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Bene Filipi 1:13

Aboobo balishi boonse beshikulindilila ŋanda ya muleli wa kuLoma abamwibo boonse bali kokuno kwaamba ayi ndyaangitwe ceebo cakwe Klistu.

Bene Loma 16:26

Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Bene Loma 5:6

Katutacite nkusu, Jesu wakatufwita swebo sobamucita shibi paciindi Lesa mwiine ncaakasala.

Milimo ya Batumwi 17:26

Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Luka 1:47

Ndisangalete abuumbi ceebo cakwe Lesa Mupulushi wangu

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Maako 13:10

Sombi citaanshi, Makani Abotu alyeelete kushimikilwa kumishobo yoonse ya bantu.

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Danyelo 11:27

Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Danyelo 8:23

“Meelelesho a malelo ayo aakushika pafwaafwi alimwi malelo ayo akuba abubi buunji cakwaamba ayi alyeelete kupekwa mulandu, kulaakuba mwaami shicimpamya, shilunkutwe alimwi mubeshi.

Isaya 45:15

Nobene Isilaeli, Lesa wanu uyo umupulusha, ncakwiila nguLesa ulishisa.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Ciyubululo 14:16

Lyalo uyo wakalinga kushiite palikumbi wakatalika kutebula acicekeshi cakwe. Aboobo cishi ca panshi coonse cakatebulwa.

Bene Efeso 1:10

Muyeeyo uyu Lesa ngweshi akacite ciindi ceelete caakushikila, nkuleta shilengwa shoonse sha panshi akwiculu pantu pomwi mubweendeleshi bwakwe Klistu.

Maako 1:15

Wakaamba ayi, “Ciindi ceelete cashikila. Bweene bwakwe Lesa buli pafwaafwi. Amusanduke kuswa kushibiibi shanu, mushome Makani Abotu!”

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.