Taitasi 1:2 - Baibo Busansulushi Bwa Libuku Ili

² Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Taitasi 1:2 교차 참조

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

1 Joni 2:25

Ncakwiila Klistu ncaakatushomesha, mbuumi butamaani.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

Judi 1:21

Amwikale mulusuno lwakwe Lesa pakunoolindilila buumi butamaani Mwaami wesu Jesu Klistu mbweshi akatupe munkumbu shakwe.

2 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa, wakatumwa kushimikila sha buumi mbotwashomeshekwa ubo mbotucite muli Klistu Jesu.

Taitasi 3:7

Wakacita boobo ayi tululamikwe muluse lwakwe akwinjila mubuumi butamaani ubo mbotutoolangila.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

2 Timoti 2:15

Koelesha cankusu ayi ulyaabe kuli Lesa, mbuli musebenshi usuminishikwa ucita mulimo utamulenshi nsoni, uyo wiisha ciluleme maswi a lushinisho.

2 Timoti 2:13

Na tatushomeki, lakwe ulatolelela kushomeka, ceebo taakoonshi kulikaka, sobwe.”

1 Samwelo 15:29

Lesa uyo uli mboBulemu bwa cishi ca Isilaeli, taabeci nabi kuyeeya bumbi. Taabete mbuli muntu upilooka mukuyeeya.”

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Taitasi 2:7

Mushintu shoonse webo ulyeelete kuba citondesho mukucita milimo ibotu. Koiisha cakushomeka abulemu.

1 Bene Tesalonika 5:8

Ono swebo tuli bantu bacita shintu sha mumumuni alimwi tulyeelete kulitibuka. Tulyeelete kufwala lushomo alusuno ayi shibe anga ncakufwala ca ceela ca pacaamba, acalo ncimpoompo cesu cibe kulangila kwakwaamba ayi tulaakupuluka.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

1 Timoti 6:19

Mukucita boobo, balaakulibunjikila bubile ubo bweshi bukabe anga ndwiimbi luyumu lwa kuciindi citoosa. Lyalo balaakulicanina buumi, ee buumi bwancinencine.

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

Milimo ya Batumwi 15:18

Ubo mbwaatokwaamba Mwaami Lesa uyo wakeshibisha bantu kale kale.’ ”

Joni 17:2

Mukwiinga mwakamupa nkusu shakweendelesha pabantu boonse kwaamba ayi ape buumi butamaani kubaabo boonse mbomwakamupa.

Joni 10:28

Ndashipa buumi butamaani alimwi teshi shikafweewo. Taaku muntu weenga wanyaya.

Joni 6:68

Simoni Pita wakamukumbula ayi, “Nkambo, inga twaya kuli ni? Mwebo ndimwe mucite maswi abuumi butamaani.

Joni 6:54

Uyo woonse ulya mubili wangu akunwa bulowa bwangu, ulicite buumi butamaani alimwi ndaakumubusha kuswa kubafu pabushiku bwakweelaako.

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

1 Bene Tesalonika 2:15

Mpeeke baJuda aba bakacaya Mwaami Jesu abalaluki bakulukulu alimwi coonoono apa bakapensha ndiswe! Ndushinisho Lesa ulikalalite abuumbi pabantu abo. Ncakwiila mbalwani ba bantu boonse!

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

Bene Loma 5:4

Kutaboola pesule nkokuleta bwikaalo buyanda Mwaami Lesa alimwi bwikaalo ubo mbobuleta kulangila.

Bene Loma 5:2

Mwaami wesu uyu ngowakatucalwita nshila kwiinda mulushomo kwaamba ayi Lesa atucitile luse ulo ndotubeteemo abobulya. Aboobo tulasangalala mukwiinga tulashoma ayi tulaakutambula shipo sha mubulemu bwakwe Lesa.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Loma 1:2

Makani Abotu aya akaambilishikwa aLesa kale kale kwiinda mubalaluki bakwe bakulukulu, abo bakalemba Malembo akwe Asalalite.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Maako 10:30

eshi akabule kutambula myaanda ya shintu paciindi cino. Uyo ulaakuba amaanda aanji, banandumi abanankashi shakwe baanji, banyina abaana baanji alimwi amyuunda iinji, sombi ulaakutambula alimwi amapensho. Ono sombi muciindi citoosa, ulaakutambula buumi butamaani.

Maako 10:17

Jesu ndyaakanyamukabo ayi anooya, musankwa umwi wakamucicilila. Wakashika wafukama kunembo lyakwe akwiipusha ayi, “NoBafundishi babotu, ino inga ndacita buyani kwaamba ayi nkabe abuumi butamaani?”

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”