16 Nebo lyoonse ndaamba ayi busongo mbubotu kwiinda nkusu. Sombi taaku nabi womwi uyeeya mukandu ayi ngumusongo nabi ubika maano kushintu nshaamba.
Busongo bulapa muntu womwi nkusu kwiinda baleli bali likumi mundabala.
Musongo ulicite nkusu shiinji, muntu ucite lushibo uleendaawo nkusu.
Mutanjilili wa bashilumamba musongo ulakonsha kulwana ndabala inene ya beshinkusu akuwisha lilinga balwani ndyebacinkitemo manungo.
Busongo mbubotu kwiinda shakulwanisha sombi mucita shibi womwi ulanyonyoola shintu shibotu shiinji.
Buboni bwa bantu babile, ndyelilinga lyabo, sombi bupenshi bulanyonyoola bakandu.
Ndapa maano bantu akupansaanya bubi abubotu. Ndicite maano akunyumfwisha shintu alimwi ndi muyumu.
Busongo bulafuna kushintu shiinji bweenka bufuna maali, ee, bulafuna buumi bwa wooyo ubucite. Ncakwiila iyo njempindu ya lushibo.
Na keembe kashima alimwi kabula kunonwa, kukasebensesha kulisuniki nkusu shiinji. Ono ucenjete inga weshiba cakucita.
