12 Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.
Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.
Mucita shibi ulacatwa mushibiibi shakwe mwiine, sombi ululeme uleembabo akusangalala.
Mpeeke maano abo alaakuboolaamo akusupuka mukoose ka Mubiibi uyo wakabacatisha akubalengesha kunoocita kweelana akuyanda kwakwe.
Ceebo Lesa wakaamba ayi, “Muciindi ceelete kwaamba ayi mupe coolwe, ndakamunyumfwa. Bushiku bwakwaamba ayi nebo mupulushe, ndakamucafwa.” Amunyumfwe ono! Bulya nceciindi cakwaamba ayi Lesa ape bantu coolwe! Buno mbobushiku bwakupulushikwa!
Aboobo balo mapensho alaakubapulumukilabo akubanyonyoola cakwaamba ayi kulaakubula aubafuna.
Sombi bantu aba balibo anga mbanyama batacite maano, bakalengelwa kucatwa akucaikwa. Balacobola shintu shoonse nshibatanyumfwishi. Balaakunyonyoolwa bweenka bunyonyoolwa banyama ba muluundu.
Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.
Sombi amunyumfwishe cikani ici. Naakwiinga mwine ŋanda keeshi ciindi mwiipi ndyeshi ese, inga taalekibo mwiipi ayi enjile muŋanda yakwe.
Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”
cibiibi canu ici cilaakumubeta anga ndubumbu lulaamfu lucite mwaansha utooya cilakamuka. Lubumbu ulo lulawa cakufwambaana alimwi cakuteengashila.
Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.
Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.
Ceebo shintu shicitikila kubantu, shilacitikila abanyama. Bweenka bufwa muntu alakwe munyama mbwaafwa. Paceebo ceeco muntu taaindi munyama. Muntu amunyama balicite buumi bwa mushobo womwi. Ncakwiila shintu shoonse taaku mboshibete.
Ndakabona pano pacishi ca panshi cikoshanyo cibotu ico cakabonesha busongo mbobuyeeyelwa.
Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.
Nobene Isilaeli bantu bakwe Lesa, Mwaami Lesa wakantuma ayi mucenjeshe. Nakubi boobo munshila shangu shoonse muliteyetemo toose. Balwani bangu balambelamina amuŊanda yakwe Lesa moonse.
ceebo bantu abo bobilo mbweshi bakabanyonyoole kabateengashite. Ino ngani wishi amapensho ngweenga baleta?
Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.
“Ono nebo neMwaami Lesa Shinkusu shoonse ndaamba ayi, ‘Ndaakubunganya bantu baanji akuwaala koombe kangu pali ndiwe ayi ucatwe abalo balaakukukwelela kwitala akoombe kangu.
Ono baakunooya, ndaakubateya koombe akubacatisha bweenka mupalu mbwaacatisha bayuni. Ndaakubapa mulandu ceebo ca bubi mbobakacita.
