Shikushimikila 8:7 - Baibo Busansulushi Bwa Libuku Ili

⁷ Ceebo taaku muntu ushi shakunembo, ino ngani weenga wamulwiita ceshi cikacitike bwaakuca?

Shikushimikila 8:7 교차 참조

Shikushimikila 10:14

Muluya ulafusha maswi pakwaamba. Taaku muntu ushi shitoosa kunembo. Ngani weenga waamba ceshi cikacitike twaakufwa?

Mateyo 24:50

Lyalo mwaami wa musebenshi uyo ulaakwisa pabushiku mbwaatengashite alimwi aciindi ncaateshi.

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Tushimpi 24:22

ceebo bantu abo bobilo mbweshi bakabanyonyoole kabateengashite. Ino ngani wishi amapensho ngweenga baleta?

Mateyo 24:44

Paceebo ceeco, amwebo mulyeelete kunolibambite lyoonse ceebo MwanaaMuntu ulaakwisa paciindi ncemutamwiingashite.

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Shikushimikila 3:22

Munshila iyo ndakabona ayi taaku cimwi ceenga ceendaawo kusangalasha muntu kwiinda milimo yakwe mukwiinga yalo ncecipo ncaakapekwa. Taaku muntu eshi akakonshe kwishiba sheshi shikacitike pesule lya lufu lwakwe.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Shikushimikila 7:14

Na shintu shakweendela kabotu, kosekelela. Ono na shakweendela cibiibi, ibaluka kwaamba ayi Lesa ulalengesha shintu shobilo isho kucitika. Aboobo muntu taakoonshi kwishiba buumi bwakwe bwakunembo.

Esita 5:12

Amani wakeelikaawo ayi, “Teshibo boobo bweenka. BaEsita bayoosha bakubwalo bakeeta ndime neenka kuya aBaami mukusekelela nkobakabamba. Ciilo alimwi ndataambwa pantu pomwi abaami kukusekelela akumwi nkweshi bakabaambe.

Tushimpi 27:1

Mutalilumbaishi palwa ciilo, ceebo tamwishi ciilo mbweshi bukace.

Shikushimikila 9:1

Shintu shoonse ishi ndakashikutumanina akubona kwaamba ayi Lesa ngooendelesha shoonse shicita basongo abaluleme. Nkokwaamba ayi taaku ushi citoosa kunembo lyakwe, lusuno nabi lupato.