Shikushimikila 7:9 - Baibo Busansulushi Bwa Libuku Ili

⁹ Utafwambaani kukalala mumoyo wako ceebo bukali bulacanwa kubaluya.

Shikushimikila 7:9 교차 참조

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Tushimpi 14:17

Muntu ucite kamoyo kaniini ulacita shintu shabuluya. Taaku muntu usuni mubeshi.

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Maako 6:19

Paceebo ceeco, Elodyasi wakaba amfundilishi kuli Joni. Aboobo wakalinga kuyanda kwaamba ayi acaikwe. Sombi wakaalilwa

Jona 4:9

Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

2 Samwelo 19:43

Abalo bene Isilaeli bakakumbula bene Juda ayi, “Swebo tulicite sheebo shiinda kufula pashaanu mankanda ali likumi shakwaamba pamwaami Defedi. Ino sunu mutooyanda kutunaamininanshi? Mutalubiiko kwaamba ayi ndiswe bataanshi kuyeeya shakupilusha mwaami kuŊanda yakwe.” Nakubi boobo basankwa bene Juda bakeendaawo kukumbula cabukali.

2 Samwelo 13:22

Mpeeke Abusalomu wakapata Amunoni cakutaambooshanyaawo napaceyi ceebo cakusebaanya Tama nankashi yakwe.

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

Maako 6:24

Mulindu uyu wakaswita pansengwe kuya mukwiipusha kuli banyina ayi, “Ino nsengenshi?” Mpeeke banyina bakamukumbula ayi, “Koya usenge mutwi wakwe Joni Mubombeki.”

2 Samwelo 13:32

Sombi Jonadabu mwanaakwe Shimeya mukwabo Defedi wakaamba ayi, “Nobaami bangu, mutanyumfwili kwaamba ayi bana banu boonse bacaikwa. NguAmunonibo ufwite. Abusalomu wakalinga kubwenekete ayi ulicitile Amunoni mfundilishi kuswabo bushiku Amunoni mbwaakakumana aTama nankashi yakwe cakumukakatisha.

Matalikilo 4:8

Lyalo Kaini wakaambila mukwabo Abelo ayi, “Tiya mumuunda.” Kabacili mumuunda, Kaini wakabukila mukwabo akumucaya.

Tushimpi 14:29

Muntu ushiite caamba ulatondesha ayi ulicite maano akunyumfwisha shintu, sombi muntu ucite kamoyo kaniini ulalitondeshabo buluya.

Shikushimikila 7:10

Uteepushi ayi, “Ceebonshi ciindi cakalekale cakalinga cibotu kwiinda cecino?” Uyo teshi mwiipusho weelete kwiipusha musongo.

Tushimpi 25:8

utafwambaani kushitola kunkuta ceebo taaku mbweenga wacita kumeelelesho na shimukobonyoko umwi wakushinina akukulensha nsoni.

Jona 4:3

Ono noBaami baLesa, amuncayebo. Ceebo ncibotu kwaamba ayi mfwe kwiinda kunooli muumi.”

Jona 4:8

Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”