5 Ncibotu kunyumfwa musongo kaakukalookila, kwiinda kunyumfwa muluya kaakulumbaisha munyimbo.
Muntu ululeme na wanguma, ninkumbu. Na wankalalila cilaba anga ngamafuta atilwa pamutwi wangu. Mutwi wangu teshi ukaakakeewo. Sombi mumipailo yangu ndapikisha micito ya bamucita shibi.
Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.
Muntu ukaka kululikwa ulaba mukandu alimwi ulasebaana, sombi uyo lakwe usumina kululamikwa ulalemekwa.
Mubyo nabi wakucisa taaku mbocibetewo, sombi mulwani wako na wakufyonta, ucenjele!
Musongo ulanyumfwa na waambilwabo liswi lyomwi, sombi muluya taanyumfwi nabi woomwa mankanda mwaanda.
Uyo usuula milasho ulaliletelela mwiine, sombi uyo ubikila maano kumulawo ulalambulwa.
Utakalalili shikucelebula ceebo inga wakupatabo. Kalalila musongo, lakwe ulaakukusuna.
Ndime ndaba mubandi wa batooya ceenda mumikwakwa, abalo bacakolwa ndime batoobika munyimbo nshebatoopanga.
Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.
Kukalalila kwa musongo kumuntu usuni kunyumfwa, kuleenda masikiyo nabi cakulibotesha cimwi ca golodi wiine wiine.
Moyo wa musongo ulayeeyabo shalufu, sombi moyo wa muluya ulayeeyabo shakulisangalasha.
Maswi akutepeta a musongo alanyumfwika kwiinda koolobesha kwa muleli wa baluya.
Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.
