Shikushimikila 2:3 - Baibo Busansulushi Bwa Libuku Ili

³ Mukukonkela busongo ubo ndakeelesha kulisangalasha awaini sombi ndakabaabo muluya. Ndakalinga kusuni kwishiba cintu ceelete kucita bantu munshiku shiniini sha buumi bwabo pacishi ca panshi.

Shikushimikila 2:3 교차 참조

Tushimpi 20:1

Waini ulalengesha muntu kusebaana! Bwalwa bulalengesha muntu kubweka! Uyo woonse upisha mutwi muli mbubo ngumuluya.

Shikushimikila 1:17

Ndakalyaaba kwaamba ayi nshibe bupusano pabusongo abuluya, sombi cakababo anga nkutandaanya muuwo.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Shikushimikila 7:25

Aboobo nebo ndakalyaaba ayi nyumfwishe shintu. Ndakalinga kusuminite kulangoola busongo abukumbulo kumiipusho yangu. Ndakalinga kusuni kunyumfwisha buluya bwa bubi alimwi akucinkuka kuli mubuluya.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Shikushimikila 2:24

Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa

Jobo 14:14

Na muntu wafwa, sa inga wayoya alimwi? Munshiku shoonse sha mulimo wangu uyumu ndanoolindilila kushikila nkaswe mumapensho.

1 Samwelo 25:36

Mpeeke Abigelo ndyaakashika kuli Nabali wakacana ulicite kusekelela uko kwakalingabo anga nkwa mwaami. Wakalinga kusamitwe alimwi kaakoletwe abuumbi. Aboobo Abigelo taaku ncaakamulwiita kushikila ndibwakaca.

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

Boomboloshi 9:13

Sombi walo munyansa wakakumbula ayi, ‘Sobwe, inga shikoonshi kucileka kucata minyansa ikusha waini uyo usangalasha balesa bamwi abantu kwaamba ayi mwebo muleele.’

Kulumbaisha 104:15

waini wakusangalasha myoyo yabo, mafuta a olifi akubakondelesha alimwi ashinkwa wakubapa nkusu.

Shikushimikila 5:18

Kuswawaawo ndakayeeya ayi cintubo ciindaawo kubota muntu nceenga wacita nkulya, kunwa akusangalala musheesho nshaakayuwila pacishi ca panshi panshiku shiniini sha buumi isho Lesa nshaamupa. Mukwiinga ico ncecipo ncaakapekwa.

Shikushimikila 8:15

Anu bulya nebo ndashinisha kwaamba ayi muntu ulyeeletebo kusangalala mukwiinga taaku cibotu cicanika pano pacishi ca panshi kwiinda kulya, kunwa alimwi akusangalala. Na wacita boobo, ulaakunoosangalete mumilimo ya nshiku shoonse sha buumi bwakwe ubo Lesa mbwaakamupa pacishi ca panshi.

Shikushimikila 10:19

Kusekelela kulalengesha kuseka, waini ulasangalasha moyo, sombi maali ngaaleta shoonse ishi.