Shikushimikila 2:16 - Baibo Busansulushi Bwa Libuku Ili

¹⁶ Basongo abaluya boonse teshi bakeebalukweewo kwaciindi cilaamfu. Ee, mushinku shitoosa boonse bobilo balaakulubwa. Ncakwiila muluya amusongo boonse bobilo balaakufwa.

Shikushimikila 2:16 교차 참조

Shikushimikila 1:11

Bantu bakulukulu teshi bakeebalukweewo. Abalo beshi bakashalwe cilaakuba bweenka ubo ncakwiila teshi bakeebalukwe kubaabo beshi bakese pesule lyabo.

Shikushimikila 9:5

Bantu boomi balishi ayi balaakufwa, sombi bafwite balo taaku ncebeshi. Taaku cilambu ncebakonsha kupekwa, camana balubwa!

Kulumbaisha 88:12

Sa shaankamiko shanu shilaboneka kumusena wa munshinshe? Sa bubotu bwanu bulacanwa amwikala bantu mbomwakalubaako?

Kulonga 1:8

Kuswawaawo mwaami uyo watakalinga kwishi nabi comwi pali Josefu, wakatalika kulela mucishi ca Ijipiti.

Bene Ebulu 9:27

Muntu uli woonse ulafwa linkanda lyomwi, kuswawaawo ndyaaomboloshekwa.

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Shikushimikila 6:8

Anu musongo uleendawonshi pamuluya? Ino mukandu nimpindunshi njaacana mukwishiba bwakulilemeka kunembo lya bamwi?

Shikushimikila 2:14

Musongo ulaya cibona nkwaatooya, sombi muluya uleenda mumunshinshe. Sombi ndakabona kwaamba ayi boonse bobilo balacitikilwa cintu ca mushobo womwi.

Kulumbaisha 103:16

Muuwo na walipuupila, liluba ilyo lilayuma. Lyalo talibonekiwo tubili mumusena wa ndilyo.

Kulumbaisha 49:10

Ndushinisho basongo abalo balafwa, batacite maano boonse balaloba, akunooshiyabo buboni bwabo kubamwi.

2 Samwelo 3:33

Mpeeke mwaami Defedi wakeemba lwiimbo lwakulila ayi, “Ino Abina wakafwitanshi bufwa muluya?

Kulonga 1:6

Muya nshiku, Josefu alimwi abamakwabo boonse, kubikaawo abamulishalane lyabo boonse bakamana kufwa.

Shikushimikila 2:15

Lyalo ndakayeeya mumoyo wangu ayi, “Cicitikila baluya anebo cilaakuncitikila. Ono nimpindunshi njeshi nkacane mukuba musongo?” Mpeeke ndakaamba mumoyo wangu ayi, “Acalo ici taaku mbocibete.”

Shikushimikila 7:2

Ncibotu kuya kuŋanda ya malilo kwiinda kooko kuli kusekelela mukwiinga lufu ngomeelelesho a muntu uli woonse. Bantu boomi balyeelete kuyeeya pacikani ici.

Shikushimikila 8:10

Ndakabona bamucita shibi kababikwa mushuumbwe. Bantu abo bakalinga kwinjila akuswa mumusena usalalite alimwi akulumbaishikwa mundabala inene umo mobakalinga kucitila shibiibi isho. Ici acalo taaku mbocibete.

Shikushimikila 9:15

Umo mundabala mwakalinga musankwa mukandu, sombi kaali musongo. Uyo musankwa wakafuna ndabala iyo mubusongo bwakwe. Sombi taaku muntu wakayeeya mukandu uyo, sobwe.

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.