Shikushimikila 2:13 - Baibo Busansulushi Bwa Libuku Ili

¹³ Ndakabona ayi busongo mbubotu kwiinda buluya bweenka mumuni mbooli ubotu kwiinda munshinshe.

Shikushimikila 2:13 교차 참조

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Mateyo 6:23

Sombi na meenso anu katabete kabotu, nkokwaamba ayi mubili woonse ulaba mumunshinshe. Ono na mumuni waba munshinshe, ingayi munshinshe uyo ulaakubabo mbi!

Shikushimikila 11:7

Mumuni ngubotu. Ee, cilakondelesha kubona lisuba.

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Kulumbaisha 119:105

Maswi anu ndyelilampi lya myeendo yangu, ngomumuni umunikila nshila yangu.

Shikushimikila 9:18

Busongo mbubotu kwiinda shakulwanisha sombi mucita shibi womwi ulanyonyoola shintu shibotu shiinji.

Shikushimikila 9:16

Nebo lyoonse ndaamba ayi busongo mbubotu kwiinda nkusu. Sombi taaku nabi womwi uyeeya mukandu ayi ngumusongo nabi ubika maano kushintu nshaamba.

Shikushimikila 7:19

Busongo bulapa muntu womwi nkusu kwiinda baleli bali likumi mundabala.

Tushimpi 16:16

Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.

Kulumbaisha 119:130

Kupandulula maswi anu kulapa mumuni, kulapa busongo kuli baabo batabucite.

Shikushimikila 10:10

Na keembe kashima alimwi kabula kunonwa, kukasebensesha kulisuniki nkusu shiinji. Ono ucenjete inga weshiba cakucita.

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.