11 Ndindakabona shintu nshendakacita, amilimo njendakasebensa amaansaangu, ndakacana ayi shoonse ishi taaku mboshibete. Cakababo anga nkutandaanya muuwo. Taaku mpindu njendakacana pacishi ca panshi.
Ono shintu shoonse shicitikwa pacishi ca panshi ndashibona. Ncakwiila shoonse taaku mboshibete, ee, cilibo anga nkutandaanya muuwo.
Anu nciinshi muntu ncaacana kuswa kuncito njaacita pacishi ca panshi?
Ee, kupaila kulabilisha muntu abuumbi, kulilabo na ulabona ayi isho nshaacite nshiinji.
Lyalo Mose wakeendaamo moonse akubona kwaamba ayi shoonse bashipanga kweelana abwakaamba Mwaami Lesa. Mpeeke Mose wakabapa coolwe.
Lesa wakabona ayi shoonse nshaakalenga nshibotu abuumbi. Lyalo kwakaba macolesha amacuunsa, ubu bwakaba mbushiku bwasanu abomwi.
Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.
Amwiibaluke buumi bwangu mbobubete kufwiimpa. Amwiibaluke swebo mbomwakatulenga ayi katufwa.
Ndakalyaaba kwaamba ayi nshibe bupusano pabusongo abuluya, sombi cakababo anga nkutandaanya muuwo.
Ino nciinshi musebeshi ncaacana mukusebensa cankusu kwakwe?
Uyo woonse usuni maali teshi akacanewo ngweenga waamba ayi afula. Uyo woonse usunishi buboni teshi akacanewo mbweshi akaambe ayi bwafula. Ici acalo taaku mbocibete.
Ici acalo mbubi bucisisha moyo. Bweenka muntu mbwaakesa, mbweshi akaye aakufwa. Ino ono nimpindunshi njaacanaamo ceebo milimo yakwe ilyeelenebo akutandaanya muuwo?
