Shikushimikila 12:2 - Baibo Busansulushi Bwa Libuku Ili

² Ciindi cilaakushikila mumuni walisuba, wa mweenshi awa nyenyeenshi, ndyeshi ukacileeke kubonekesha. Aalo makumbi alaakuboolela mfula yaakumana.

Shikushimikila 12:2 교차 참조

Isaya 5:30

Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

1 Samwelo 4:18

Musankwa uyo ndyaakaamba shaLibokoshi lya Cipangano ca Mwaami Lesa, Eli wakawa cifuteenuma kuswa pacuuna cakwe kuwita kulubasu lomwi lwa munjililo. Ono mukwiinga wakalinga wacembela abuumbi alimwi keenite, nshingo yakwe yakatyoka. Aboobo wakafwa. Wakalinga mutanjilili muIsilaeli kwamyaaka makumi one.

1 Samwelo 4:15

Eli ico ciindi wakalinga waba amyaaka makumi osanwe aone amyaaka yosanwe ayotatwe cakwaamba ayi wakalinga kupofwete.

Kulumbaisha 77:16

Maanshi ndyaakamubona nobaLesa, maanshi ayo akaloonda. Ncakwiila maanshi alaamfu akatutuma.

Kulumbaisha 71:20

Mwakatuma makatasho amapensho pali ndime. Sombi ndishi kwaamba ayi mulaakumbooshamo nkusu. Ncakwiila mulaakumbusha alimwi kuswa kuunshi lya nshi.

Kulumbaisha 42:7

Buumba bwamfwekelesha anga ngamaaba a palweenge. Shimfulunganya ashalo shitoosa anga ngamaanshi atoompoomokela.

1 Samwelo 3:2

Bumwi bushiku, mashiku Eli uyo wakalinga kuya cipofola, wakalinga kulete mucipinda cakwe.

Matalikilo 48:10

Meenso akwe Jakobo akalinga kwaalilwa kubona ceebo ca kucembela alimwi taakalinga kukonsha kubona kabotu. Josefu wakabaleta kuli nguwe, mpeeke Jakobo wakabakumbata akubafyonta.

Matalikilo 27:1

Isaki ono wakacembela akupofola. Wakatuma nkombe kuli Esau mwanaakwe munenebantu ayi ese. Mpeeke wakamwaambila ayi, “Omwanaangu!” Lakwe wakakumbula ayi, “Ee nkambo.”

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Kulumbaisha 90:10

Tulipetwe myaaka makumi osanwe aobilo pano nsengwe, nabi myaaka makumi osanwe aotatwe na katucicite nkusu. Sombi ciindi ici nca mapenshobo akulila. Buumi buleela cakufwambaana, lyalo tulafwa.

Isaya 13:10

Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Jowelo 3:15

Lisuba amweenshi shilaakushiyabo mbi ashalo nyenyeenshi shilaakucileka kubala.