Shikushimikila 12:11 - Baibo Busansulushi Bwa Libuku Ili

¹¹ Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.

Shikushimikila 12:11 교차 참조

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Milimo ya Batumwi 2:37

Ono bantu ndibakanyumfwa boobo, bakapenshekwa abuumbi mumyoyo. Lyalo bakeepusha Pita abatumwinyina ayi, “Nobamakwesu, ino tucite buyani?”

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Jelemiya 23:29

Maswi angu ali anga ngumulilo nabi ninsando yakupwaishako mabwe. Nebo neMwaami Lesa ndaamba.”

2 Bene Kolinto 10:4

Shilwanisho nshetusebensesha teshi sha pacishi ca panshi, sombi nsha nkusu shakwe Lesa isho shinyonyoola bulwani bwa bubi.

Joni 3:10

Jesu wakamukumbula ayi, “Sa te webo uli mufundishi wa bene Isilaeli? Ino ono toocishi buyani cikani ici?

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Tushimpi 22:17

Teya kutwi akunyumfwa tushimpi twa basongo. Shoonse nsheenjiisha ushibike mumoyo

Tushimpi 1:6

kwaamba ayi banyumfwishe tushimpi ashikoshanyo alimwi akunyumfwisha myaambo atulabi twa basongo.

Joni 10:14

Nebo ndi mweembeshi mubotu, ndishi mbelele shangu ashalo shilinshi.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Isaya 22:23

Ndaakumushimpya pamusena wakwe anga nimpoopo yakapopwa cankusu. Ulaakulengesha bamuŋanda ya baishi kuba abulemu.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 23:1

Mwaami Lesa ngomweembeshi wangu, teshi nkapengeewo sobwe.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Esila 9:8

Ono muciindi ciniini, noBaami baLesa, baLesa besu mwakatunyumfwila luse akufuna sobamwi kuswa mubusha akutukalika kabotu mumusena uno usalalite. Mwakatukusha mubusha akutupa buumi bupya.

Matalikilo 49:24

Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.

Shikushimikila 7:5

Ncibotu kunyumfwa musongo kaakukalookila, kwiinda kunyumfwa muluya kaakulumbaisha munyimbo.

Shikushimikila 10:12

Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.

Tushimpi 10:21

Maswi a muntu ululeme alacafwa bantu baanji, sombi baluya balafwa ceebo cakubula maano.