Shikushimikila 11:9 - Baibo Busansulushi Bwa Libuku Ili

⁹ Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.

Shikushimikila 11:9 교차 참조

Shikushimikila 12:14

Ceebo Lesa ulaakoombolosha micito yoonse, kubikaawo ashintu shicitwa mubushishi, ncakwiila micito ibotu nabi ibiibi.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Malilo 3:27

Ncibotu kwiiya kulindilila boobo koocili mwanike.

Shikushimikila 3:17

Ndakayeeya mumoyo wangu ayi, “Lesa ulaakoombolosha baluleme abamucita shibi mukwiinga kulaakuba ciindi cakucitilawo shintu shoonse. Ee, kulaakuba ciindi ca micito yoonse.”

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.

Bene Ebulu 9:27

Muntu uli woonse ulafwa linkanda lyomwi, kuswawaawo ndyaaomboloshekwa.

Jobo 31:7

Na ndakapambukawo kuswa munshila iluleme, na meenso angu akantola kushibiibi, nabi na maansaangu akacatawo shibiibi,

Bene Loma 14:10

Takweelete kuba nabi womwi ushi kubona muKlistunyina ayi utoobisha alimwi takweelete kuba nabi womwi ushi kusebaanya muKlistunyina mukwiinga soonse nguLesa eshi akatoomboloshe.

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Shikushimikila 2:10

Shoonse nshendakalinga kusuni ndakashicana, Nshikwe kukaka kupa moyo wangu shakulisangalasha shili shoonse. Moyo wangu wakakondwa mumilimo yangu yoonse. Aboobo ici cakaba ncecilambu cakaswa mumilimo yangu.

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

Matalikilo 3:6

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Shakubelenga 15:30

“Sombi muntu uli woonse ubisha kashanga, mwine Isilaeli nabi muswamashi, ulyeelete kuba amulandu wakuncobola nebo neMwaami Lesa. Aboobo ulyeelete kukushikwa kubantu bangu,

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Kulumbaisha 81:12

Lyalo ndakabaleka acimpamya cabo. Ndakabaleka ayi bakonkele nshila shabo.

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

Shakubelenga 15:39

Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”

Milimo ya Batumwi 14:16

Kale kale Lesa wakaleka bantu ayi inga bacita cili coonse kweelana akuyanda kwabo.

1 Baami 22:15

Mpeeke mulaluki ndyaakashika mukubonekela kumwaami Aabu, mwaami wakamwiipusha ayi, “Mikaya, sa nebo amwaami Jeoshafati tuye tukalwaane ndabala ya Lamoti nabi sobwe?” Mikaya wakakumbula ayi, “Kamuya mukalwaane! Ee, mulaakwiikoma. Mwaami Lesa ulaakumupa coolwe cakukoma.”

1 Baami 18:27

Lisuba ndilyakashika pakati ka mutwi Elija wakatalika kubaseka ayi, “Kamooloma pakupaila! Sa te ngulesa? Ndabona miyeeyo yamushisha palaale nabi mpashi waya mukulicafwa kulubasu. Mpashi waya palweendo! Ndabona woona, mulyeelete mumubuushe!”

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

Shakubelenga 22:32

Mpomunyaawo munjelo wakamwiipusha ayi, “Nciinshi ncewoomina bobulya mbongolo yako mankanda otatwe? Nebo ndesa mukukushinkila ceebo lweendo lwako ulu lwambicila.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

Joshuwa 7:21

pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

Luka 12:19

Ono ndaakulyaambila ayi, Ulicite buboni buunji bweshi bukabule kumana kwamyaaka iinji. Aboobo liibe, kolya, konwa akusekana.’

Shikushimikila 6:9

Ncibotu kusangalala mucintu ciliiwo kwiinda kunookumbwa ncootacite. Acalo ici taaku mbocibete, cilibo anga nkutandaanya muuwo.

Shikushimikila 7:14

Na shintu shakweendela kabotu, kosekelela. Ono na shakweendela cibiibi, ibaluka kwaamba ayi Lesa ulalengesha shintu shobilo isho kucitika. Aboobo muntu taakoonshi kwishiba buumi bwakwe bwakunembo.

Shikushimikila 3:12

Ndishi kwaamba ayi taaku cintu ciinda kubota kumuntu kwiinda kwikala kaasangalala akucita shintu shibotu mubuumi bwakwe boonse.