3 Kweenda kwa muluya kulabonesha ayi taacite maano. Ncakwiila ulatondesha bantu buluya mbwaacite.
Muluya taalisukamiwo nabi wabula kunyumfwisha shintu, sombi ulasangalalilabo mukwaamba sheesho nshaashi lakwe.
Muntu ucenjete ulataanguna kuyeeya katana kucita cintu cili coonse, sombi baluya balaambabo caambaambe.
Ono bulya bakunsengwe balakankamana ndibabona kwaamba ayi tamutokala buumi bwakubisha pantu pomwi ambabo, nceceeco ncebatoomutukanina.
Bweenka muntu ucite shakulisukama shiinji mbwaakonsha kulota cibiibi, mbweeke ubo kwaamba maswi aanji mbokukonsha kwaambisha muntu shiteelete.
Maswi a muluya alamutola mumapensho. Mulomo wakwe ulamulengesha kuumwa.
