12 Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.
Ciindi coonse myaambo yanu ibe ya luse iyaka bamwi alimwi mulyeelete kwishiba bwakukumbula kabotu muntu uli woonse.
Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”
Uyo usuni moyo usalalite akwaamba shankumbu, mwaami ulaakuba shicibusa wakwe.
Musongo ulaamba shipa lushibo, sombi muluya ulaambabo shintu shitacite ncito.
Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.
Mwaami wakwe wakamwaambila ayi, ‘Webo omusebenshi mubiibi! Ono maswi eenka ngowasebensesha atookushinina. Ulishi kwaamba ayi ndimukali, ndabwesa shiteshi shaangu akutebula mpontakwe kushanga.
Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.
Lakwe ngumuntu waamba cabusongo alimwi ulapa milasho cakushomeka.
Bweenka cakolwa mbwaatakataka kulibangula myuumfwa mulyaansa lyakwe, mbweeke ubo myaambo ya busongo mbweebete mumulomo wa muluya.
Kamboni mubeshi teshi akalangwebo cakutapekwa mulandu, ee, uyo waamba shabubeshi teshi akalekelelweewo.
Kukumbula bweelete kulasangalasha. Ncintu cibotu kwaamba liswi lyeelete paciindi ceelete.
Maswi abiibi alayasa kumoyo anga ngumupeeni, sombi maswi aamba musongo alashilika.
Muntu ukamwita kumeenso, ngushikuleta shimfulunganya, sombi uyo ululikilabo limwi bantu, ulaleta lunyumfwano.
Moyo wa musongo ulanyumfwila milawo, sombi uyo waamba shabuluya, ulaakunyonyoolwa.
Balwani bangu abo banshingulukite balalisumpula. Amulengeshe kwaamba ayi mashingo abo ababoolele.
Ulaakubanyonyoola ceebo ca maswi abo abiibi. Abo beshi bakababoone balaakunoopukumunabo mitwi.
Mubandi wa muntu ululeme ngwa busongo alimwi lyoonse taaku ngwaanyengelela.
Sombi naakwiinga ndamwaambila maswi akumuyumyayumya. Nendamwaambila maswi akonsha kumuumbulusha.
Defedi wakalinga wamwaambila kale ayi, “Ulu lufu waliletela omwiine. Walipa mulandu omwiine ndiwalyaambilila ayi wakacaya mwaami uyo Mwaami Lesa ngwaakasala kwiinda mukunanikwa mafuta.”
Muluya ulalikumbata akunyonyoola buumi bwakwe kunsala.
Maswi akutepeta a musongo alanyumfwika kwiinda koolobesha kwa muleli wa baluya.
Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.
Mutanoofwambaana kwaamba nabi kushomesha cakufwambaana kuli Lesa. Lesa uli kwiculu mwebo muli pacishi ca panshi. Aboobo maswi akwaamba kaaceya.
Utasuminishi mulomo wako kukunjisha mucibiibi. Utaambili mupailishi ayi, “Ndakalubisha kushomesha cakulumbila.” Ceebonshi ulisuni ayi Lesa akakalale pashintu nshewaamba akunyonyoola milimo ya maansaako?
