Shikushimikila 1:3 - Baibo Busansulushi Bwa Libuku Ili

³ Anu nciinshi muntu ncaacana kuswa kuncito njaacita pacishi ca panshi?

Shikushimikila 1:3 교차 참조

Shikushimikila 3:9

Ino nciinshi musebeshi ncaacana mukusebensa cankusu kwakwe?

Shikushimikila 5:16

Ici acalo mbubi bucisisha moyo. Bweenka muntu mbwaakesa, mbweshi akaye aakufwa. Ino ono nimpindunshi njaacanaamo ceebo milimo yakwe ilyeelenebo akutandaanya muuwo?

Shikushimikila 2:22

Ono pacishi ca panshi nimpindunshi iswa mukusebensa cankusu akulisukama?

Shikushimikila 2:11

Ndindakabona shintu nshendakacita, amilimo njendakasebensa amaansaangu, ndakacana ayi shoonse ishi taaku mboshibete. Cakababo anga nkutandaanya muuwo. Taaku mpindu njendakacana pacishi ca panshi.

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Shikushimikila 2:19

Ino ngani ushi na muntu uyo ulaakunooli musongo nabi muluya? Nakubi boobo ulaakubwesa shintu shoonse nshendakayuwila pacishi ca panshi alimwi shakaswa mubusongo bwangu. Ici acalo taaku mbocibete.

Abakuku 2:13

Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.

Shikushimikila 9:13

Ndakabona pano pacishi ca panshi cikoshanyo cibotu ico cakabonesha busongo mbobuyeeyelwa.

Shikushimikila 9:6

Lusuno lwabo, lupato alimwi amunyono, shoonse shakamana. Ncakwiila taaku nceshi bakabeeko lubasu alimwi mucishi cino ca panshi.

Shikushimikila 9:3

Ici mbobubi buli mushintu shoonse shicitika pacishi ca panshi. Shoonse cililo ca nkumo ncimwi. Kulilabo na bantu bacili boomi, balayeeya shintu shibiibi alimwi ashabushincinko. Lyalo kumeelelesho balafwa.

Shikushimikila 7:11

Busongo mbubotu anga mbuboni bwakupyana mukwiinga bulacafwa baabo bacili boomi.

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Shikushimikila 5:18

Kuswawaawo ndakayeeya ayi cintubo ciindaawo kubota muntu nceenga wacita nkulya, kunwa akusangalala musheesho nshaakayuwila pacishi ca panshi panshiku shiniini sha buumi isho Lesa nshaamupa. Mukwiinga ico ncecipo ncaakapekwa.

Shikushimikila 4:3

Sombi mubotu kwiinda boonse bobilo ngooyo utana kushalwa ee, ngumuntu utana kubonawo bubi bucitwa pacishi ca panshi.

Abakuku 2:18

Anu cibumbwabumbwa cilicite mpindunshi? Sa te ncintubo ico muntu ncaakapanga? Taaku nceenga muntu wacanaako kulekabo bubeshi. Ino nimpindunshi uyo wakacipanga njeenga wacanaako mukucinka manungo muli ncico? Amubone, cibumbwabumbwa ico tacikoonshi kwaamba!

Shikushimikila 4:7

Ndakabona alimwi cintu cimwi citaaku mbocibete pacishi ca panshi.

1 Bene Kolinto 16:16

mukonkele butanjilili bwa bantu bamushobo wooyu, abamwi batoosebensela pantu pomwi ambabo.

Shikushimikila 2:18

Shoonse nshendakasebensela pano pacishi ca panshi ndakashisuula mukwiinga ndaakushishiilabo wooyo weshi akese pesule lyangu.