17 Lyoonse na likumbi lyaswa paTente ya Cipangano, bene Isilaeli bakalinga kulonga, akuyaka misumba pali poonse mpweenga lyeemikana.
Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.
Mulantanjilila amilasho yanu nobeene, kumamanino mulaakunjisha mubulemu bwanu.
Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.
Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.
Mpomunyaawo bene Isilaeli boonse bakaswa muluyanga lwiitwa ayi Sini, kabaya bweenda kuswa kumusena umwi akuya kumwi, kweelana ambwaakalinga kubalwiita Mwaami Lesa. Ndibakashika kuLefidimu, bakayaka misumba sombi tekwakalinga maanshi akunwa.
Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga.
