24 ‘Mwaami Lesa aamupe coolwe akumulama.
Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.
Aboobo luumuno lwakwe Lesa ulo lwiinda pabusongo bwa bantu boonse, lulaakulama myoyo yanu alimwi amiyeeyo yanu muli Klistu Jesu.
Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.
“Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.
Ono ntoosa kuli ndimwe, teshi nooli mucishi ca panshi, sombi balo mobacili. Ta noMusalalite, amubalaame munkusu sha liina lyanu ndimwakampa, kwaamba ayi abalo babe womwi bweenka swebo mbotuli womwi.
Lyalo Lesa ulaakutuma baanjelo bakwe ayi bakakulaame, ncakwiila balaakunookutabilila koonse nkweshi ukaye.
Mwaami Lesa uyo wakalenga liculu acishi ca panshi aamupe coolwe kuswa kuSiyoni.
Ndipakeenda ciindi, Bowasi wakapola kuswa kuBetileemu akwaansha basebenshi ayi, “Mwaami Lesa aabe amwebo!” Abalo bakakumbula ayi, “Mwaami Lesa aamupe coolwe!”
Amundaame kabotu bweenka bulamwa liinso, amunshiise muliimfwa lyanu bweenka nkuku mboifukatisha baana.
“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.
Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.
Luse lwa Mwaami Jesu Klistu lube amwebo noonse.
Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.
Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.
Nebo neMwaami Lesa ndaulama, muunda uyo lyoonse ndautilila. Ndaulindilila mashiku amalumwi kwaamba ayi kubule weenga waunyonyoola.
Ono na walumbabo Lesa mumuuya, shikukutikabo utaaku mbwaabete uliimo mulibungano, inga waamba buyani ayi, “Ameni” pakukutika kulumba kwanu? Ceebo nshemutokwaamba taashishiiwo.
Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”
Ono ndamusenga ayi mupe coolwe bamulunyungu lwangu kwaamba ayi batolelele kwikala mulusuno lwanu. Mwebo nobeene noBaami baLesa Beshinkusu shoonse ndimwe mwashomesha kucita shintu shoonse ishi. Aboobo mulaakunoopa shoolwe bamulunyungu lwangu lyoonsebo.”
“NobaLesa, amukutike mupailo wangu akusenga kwangu nemusebenshi wanu. Amulengeshe kwaamba ayi Ŋanda yanu italike kusebenseshekwa alimwi. Amucite boobo kwaamba ayi bantu boonse bakeshibe ayi mwebo ndimwe baLesa.
